ساير في طريقي لو يجي جول صيد؛؛والله اني ماصوب يمها بندقي

[ذياب المرشدي]

اسمحوا لي على التقصير

[poet font="Simplified Arabic,5,darkblue,normal,normal" bkcolor="transparent" bkimage="backgrounds/17.gif" border="double,4,blue" type=2 line=200% align=center use=ex length=0 char="" num="0,black" filter=""]
يالله اني طلبتك يالكريم المجيد=تغفر لعبدك اللي راح واللي بقي
والله اني مطول مانظمت القصيد=الشعر راح غرب وصرت انا مشرقي
مير هيظني الشاعر بييت عنيد=بيت شعر قوي ودق في حافقي
قال لي من اسنين اشوف مالك جديد=قلت انا مشتغل في طاعتة خالقي
ساير في طريقي لو يجي جول صيد=والله اني ماصوب يمها بندقي
وحالف اني عن اهل الخير والله ماحيد=ماضن الحلف مني قول وموثقي
وكان شفت المجالس هرجها مايفيد=ارفع الصوت للبل واخبط بمطرقي
وقدمها ننهض الفكسار صاف الحديد=زين ممشاه مع جو الخلا الرقرقي
والله اني احب الذود حب شديد=ماحلا قدم ذودي درهمت سابقي
وبعض الايام عندي كنها يوم عيد=يوم اجالس من العالم صدوق تقي
قال علم وكاد وقلت علم وكيد=ومجلسي مادخل به كل خبل شقي
واختم القاف واقوله واكرر واعيد=عد وبل المطر صلوا على الصادقي
[/poet]


[poet font="Simplified Arabic,5,blue,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
ذياب المرشدي
[/poet]