إلا مرحبا ذا الليل نبغا شقر شقر

[خـالد الحافـي]

وياحمود راح مقيط عقبه رشا رشا=وملعون من يرشي ومنهو رشا رشا
غدت بك سحابه لو ما ها رشا رشا=عسا الله يعزك يا ديار السعوديه

والا ياذيب منته في مساري الليل ذا ملزوم=مدام انك ضعيف الحيل ماتقواه وتطوقه
انا ياذيب اوردها على اهل الفرس واهل الروم=والا يابو حصيّه جاك من يمناي طابوقه

[خـالد الحافـي]

الدكتور

مرزوق

لاهنتوو يامال العافيه

[حمود الحمود]

تقوله بعد مالسيل فوقك فشا فشا = وقافك يعدلك وسرك فشا فشا
ابعطيك بسكوته ومعها فشافشا = عسى الله يعزك يالديار السعوديه

تقوله وانت مثل اللي مشى عاري بدون اهدوم = وضاربة ٍفيوزه والظفيره زود محروقه
يهذري والبلا في راسه اللي يالربع مخروم = وياكلها على ماقيل مقليه ومسلوقه

[خـالد الحافـي]

ترى غرك اللي لانخيته فزع فزع=تبا تلحقه راعه ومعها فزع فزع
اعرفك حمود ولنت بسمك فزع فزع=عسا الله يعزك يالديار السعوديه

عرفتك صيدة الغافل من امس وثم جيت اليوم=وروحك روح طيرن في يدي والروح مخنوقه
الا ياحمود هونها تراك صغير ومفطوم=تخايل بالسماء رعاد صيفن لاحت بروقه

[خـالد الحافـي]

يالربع وين الصفوف

ترى ملعبه مافيها صفوف المراح اطيب

ولايهون حمود

[حمود الحمود]

ترى مانحب الليل كثر المها يطا = وسيفي على روس المجنن يبا يطا
وعمك قله سم لا لا تشا يطا = عسى الله يعزك يالديار السعوديه

والا ياطير هود لاتكثر ماانت فيد الحوم= تبا التحليق ورويسك من بدايتك محلوقه
والى من قال عمك كلمةٍ لك قول له مفهوم= الا يالربع شوفو حل قبل اقطع اعروقه

[خـالد الحافـي]

الله الله عروقه

تبا تبرد وتحتر ثم تهدا هدا=انزلك مكه مع جبال الهدا هدا
انا حر معرف لغوتك يالهدا هدا=عسا الله يعزك ياديار السعوديه

الا ياربعي عتيبه بلانا الله بخبل علوم=وخبل القوم تعرفه العرب لاقال منطوقه
يردد هرجته ساعه وليته يا عباد يصوم=ويلحق باقي اليله تراها ضاعت حقوقه

[حمود الحمود]

ترى الحر من جنبك ياخالد كلاكلا =وحصل لحم وافر وحصل كلاكلا
مربطك وانت مقيد ٍبالكلا كلا= عسى الله يعزك يالديار السعوديه

ترى مافيه ياخلود وسط اللعب حب اخشوم =وربعك يكرمون وناقة العتبان مسيوقه
انا ذالليل ابا اسميك يالحافي عصا سلوم = فوايد ها قليله والعصا يالربع مطروقه

[خـالد الحافـي]

المشاركة الأصلية كتبت بواسطة حمود الحمود

ترى الحر من جنبك ياخالد كلاكلا =وحصل لحم وافر وحصل كلاكلا
مربطك وانت مقيد ٍبالكلا كلا= عسى الله يعزك يالديار السعوديه

ترى مافيه ياخلود وسط اللعب حب اخشوم =وربعك يكرمون وناقة العتبان مسيوقه
انا ذالليل ابا اسميك يالحافي عصا سلوم = فوايد ها قليله والعصا يالربع مطروقه

هههههههههههههههههههههههههههههه

الله لايهينك ياحمود

ياحموود صح لسانك طال عمرك والله لايهينك

ماعاد الا خير نبا نلحق السحور

عزالله انك وافي وشاعر معنى ومن الوزن الثقيل

الله لايهينك ياحمود وتشرفت باللعب معك ولعبي معك زادني طال عمرك

مازدته

لاهنت يالقرم ولنا لقاء مره ثانيه

[حمود الحمود]

الطيب اللي مثلك
معرفته تجاره بارك الله فيك
وبيض الله وجهك وشاعر وافي
وزاد الشاعريه ردك اللي زود من قدرك
بيض الله وجهك وتشرفت
باللعب معك
تقبل تحياتي .