قصيدة(1) : للشاعر عبدالمعين بن عقل بن ثعلي الروقي العتيبي (من معلقاته)

[ابن جدعــان]

[poet font="Simplified Arabic,5,darkblue,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
اخوي ابن نجد بيض الله وجهك .

ومشكور على هذا الأختيار.

لضاق صدري قلت يا قاسمت خير=سج القدم يمشي على غير داعي

عديت بالعالي بعالي النواضير=وافرح ليا شفته على الحزم اشاعي

وانا مغير مولع القلب يا بدير=اشري وابيع مشترايه وباعي

والله مغير اصخر القاف تصخير=تصخير مادوب العصا لين طاعي

ومن دق به مثلي هجوس وحواشير=يضيق به لو الطريق اتساعي

امقابلن خضر الودايا المهاجير=على حفافن بين حره وقاعي

والله لو ان الغرس والقصر والبير=يمشي على مافي هوايه وناعي

لشد وانزل في مرب الخواوير=وامشي مع الحزم الفساح والوساعي

عن ديرتن فيها تدب الجعارير=فيها الدجاج وماشبه له يعاعي

غربن من النفره شمال المخاضير=شرقن من الفيضه شمال الكراعي

ياويل مرباعن بهاك النهابير=وياوي شرفانن بها القلب ياعي

اللي بها شمر البيوت الدواوير=شمر البيوت مثولثات الرباعي

بأطرافها كنها قصابة بزازير=يفرح بها الطرقي ليضرم وجاعي

واهل بيوتن متيهيـيـن المعاشير=ألـد روق أهل الطعـون الوساعي

اللي ابهم شقح البكار المغاتير=ترعا بهم بالخوف من غير راعي

اللي ابهم شقر البني الغنادير=شقر القرون لكل قلبن ولاعي

اخذت معهم مطيع ومشاوير=فترة جهل يوم الهلع والدلاعي

واقفيت عن هدفاي ركب المعايير=واخذت من تالي المحطه وداعي

الا بحب اللي بناري مناحير=صفرن على جال المناره مقاعي

يازين شبت نارها للمسايير=لجالهم عندي عليها اجتماعي

اخذ بها زين الحياة التعابير=ولو انها ماغير عب ومتاعي

واسند عليهم في ليال المعاسير=ويروح شبر في محطة ذراعي

ولا كل طيرن يتقلد على طير=ولا كل من هام الشجاعه شجاعي

ولا ينتقلد بالحرار العصافير=ولاينتقلد بالقرمب الافاعي

لو قلدوا قيس على غير تغيير =ولايتقلد بالطبيـعي صنـاعي
[/poet]

[منير الذيابي]

( صندوق بريدك ممتلىء يابن جدعان ولايستقبل رسائل )



شف ياجدعان


والله ماصرنا نعرف لكم

في منتدىى يقولون لازم تذكر المصدر ولاتسرق الحقوق الادبيه واللي يعمل الغير عليها وحنا نسرق جهدهم

وانتم تقولون لا تذكر المصدر


على العموم هي يومين وباترك منتداكم نهائي عشان الدراسه

ابن جدعــان كتبت بتاريخ 8-7-1424 هـ الساعة 11:51 صباحاً:
اخوي منير لقد قمت بمخالفة انظمة المنتدى . بوضع رابط لموقع اخر.

وهذا مخالفه.

نرجو ان لا يتكرر من ذلك. ولكم مني جزيل الشكر.

===============================================


اخوي ابن نجد بيّض الله وجهك

وبالنسبه للاخوان اللذين طلبوا قصائد عبد المعين يمكنكم مشاهدة البعض منها

هنا
http://www.otaiby.com/dewan/showpeom...eoms&devanid=4

[ابو فايح]

تسلم يابن نجد قصيده رائعه جداجداجدا