.. لجميــــــــــــــــــع الشعراء الرجاء الدخووول .. هنا ..

[عمرالروقي]

فكره طيبه يالسميري
وجميله جدا 000000
وانتظر المشاركه 00
0
0
0
واقتراح الاخ مررزوق
اقتراح جميل وهو الافضل
(((ولو اني كنت افضل ان تكون المشاركات
تبعث للمشرف على الخاص ثم تنشر مره واحده ...
لانه هنا راح تنتهي القافيه ... والواحد وده يبدع
من غير مايشوف مشاركة غيره..
وش رايكم؟ ))

[السميــــــري]

.. الأخ الكريم قبلان ..
مرورك يعني الكثير ... يالغالي ..
ولا تنجح هذه الفكرة الا بإبداعكم يااحبتي ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مــدّالــنــظـر]

أسمحوا لي أن أقدم لكم مجاراة شاعرنا عبدالله شرير
مع العلم أن الشاعر ملزّم بأن ابياته (وابيات غيره)ماتجي _مجاراة أو تكميل لأبيات ابو جميل
ولكن تجي من فوق يعني(الرجال بنى على قصيدة الزلامي )
مع علم ابو جميل بذلك
وهاهي بين اياديكم.......والعذر ثم العذر ثم السمووووووووووحة
أن جا مني قصوور.......

ياللي تبا تآصل بعيد المواصيل=في ظهر حرذونٍ من الحال حردى
تخيل برق النَّو وأنته مع السيل=سارٍ مع المحناب في سيل بردى
ليتك لحقت أيَّام شرب الفناجيل=يوم الرمك ما بين صدرٍ ووردى
يا صاحبي درب العلا عسر بالحيل=دونه مسافه جرهديَّه وجردى
معها لعكفان الشوارب مداهيل=قطَّاعة الفرجه على كل سردى
وإن كان ما تقدر دروب الرياجيل=عوّد وتلقى واحدٍ منك وأردى

الشاعر:عبد الله بن شرّير المقاطي العتيبي
شعبان 1428هـ

[mohmmedot]

واقعد مع اللي يلبسن الخلاخيل=والثوب الابيض حط من فوقه إردا
خل المراجل للقــروم الحلاحيل=اللــي تعلــو فـــي ظهــر كل ربدا
الله يسقي ذيـــك الأيــام بالسيل=واليــوم مــا به من يشــابهن أبدا

[السميــــــري]

البدر .. حياك الله ..
سعدنا بتواجدك .. يالغالي .,,

..



,,,,,,,,,,,,,

البناخي .. والاخ العزيز ..
سلطان البقمي ..
سعدنا بهذه المشاركة الرائعة ..

لا تحسب ان الوقت كله تساهيل = احيان ينبت شوك واحيـان وردا
خلك على درب الرجال الحلاحيل =والصيف حر ولا يجي فيه بـردا
لـو صبـت الدلـه بغيـر الفناجيـل =ماجا رجـال الكيـف للكيـف وردا

صح لسانك على هذه الدرر ..
ماشاء الله ..

[السميــــــري]

عمر الروقي ..

حياك الله يالغالي .. وابداعك يهمنا ..
بنجاح هذه الفكرة ..

..
ننتظر دررك ..

..

[معلا إبراهيم الأسعدي]

يـاصـاحـبـي مــن رادهـا يسهــر الليل

طـول الـمـسـافـه مـا تـهـم الـشــوردا

قـــدامــك الاجـيــال جـيـلٍ بـعـد جـيـل

والـوقـت لـوقـفـيـت يطـــردك طـردا

مـايـجـهـل علوم الرجـال الـمـشـاكـيـل

يــكــــود رجــــال ٍ نـصـيـبـه تـمــردا

التوقيع

آخر تعديل معلا إبراهيم الأسعدي يوم 18-Jun-2007 في 02:50 AM.

[مرزوق حمدان العتيبي]

..
. ابداع ياشعراءنا والله يعطيكم العافيه
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

شامان ..
صح لسانك يامبدع ..

والله يعطيك العافية ..


..

[السميــــــري]

رشيد الزلامي ..

ياصاحبي درب العلا صعب بالحيل =دونه مسافـة جرهديـه وجـرداء
وقدمك لعكفان الشـوارب مداهيـل =قطّاعة الفرجه على كـل سـرداء
وان كان ماتقدر دروب الرياجيـل = عوّد وتلقـى واحـدٍ منـك وأردا

الشعراء الذين طرحوا ابدعهم هنا ..


السميــري

أن كان ماتعرفك صفر المعاميل!! = ولا تذبح اليا هب من شام بـردا
أرقد ترى مالك همـومٍ مقابيـل =أيضاً ولا لك عالي المجـد وردا
خله لذربيـن اليمـانَ المشاكيـل = ولّا الردي يعتاش ويموت فـردا

سلطان البقمي

لا تحسب ان الوقت كله تساهيل = احيان ينبت شوك واحيـان وردا
خلك على درب الرجال الحلاحيل = والصيف حر ولا يجي فيه بـردا
لـو صبـت الدلـه بغيـر الفناجيـل = ماجا رجـال الكيـف للكيـف وردا

شامان الأسعدي

يـاصـاحـبـي مــن رادهـا يسهــر الليل = طـول الـمـسـافـه مـا تـهـم الـشــوردا
قـــدامــك الاجـيــال جـيـلٍ بـعـد جـيـل = والـوقـت لـوقـفـيـت يطـــردك طـردا
مـايـجـهـل علوم الرجـال الـمـشـاكـيـل = يــكــــود رجــــال ٍ نـصـيـبـه تـمــردا

أشكرهم جميعاا ..
وصحة ألسنتكم ياشعار ..