أسئله... وأتمنى تجاوب بصراحه................ ؟

[أبو صقر]

السلام عليكم بدون مقدمه مثل ماقال بلجيك عتيبه
لكن اشكر قبل لا ابدا ابن بريم

من انت؟
سطام روق (اسعدي)
متى اخر مرة ضحكت من قلب؟ وليش؟
الحمد لله الله يديم الوناسه ما اتذكر موقف معين
اخر مرة بكيت من قلب؟وليش؟
في يوم العيد يوم قتل صدام حسين
هل حسيت في يوم من الايام بالضعف؟ومتى كان؟
كل يوم اشوف الاخبار واللى يصير بالمسلمين
من الشخص الي تتمنى ياخذ فرحك علشان ماتشوفه حزين؟
اهلى وعيال عمي واخوياي وكل من يهمه حزني يهمني حزنه
اذا كنت متضايق شنو اول شي تفكر تسويه؟
اشغل فهد بن سعيد وامسك خط او اطلع للبر مع من يعز على المهم اغير الجو اللى انا به
شنو احلى ذكرى في حياتك ومستحيل تنساها؟
الحمد الله الذكريات الحلوه كثيره ولا اقدر احدد ذكرى معينه لكن احلى ايام اتذكرهن مع عيال عمي قبل لا يطلعون للعراق ويستشهدون
آخـــر شخـــص تتـــذكــــره قبـــل ما تنـــــام؟!؟
انا قبل لا انام اشغل نفسي بمسجل او غيره حتى ما اتذكر احد ولا افكر باحد
شنو تعنيلك هالكلمااات:

البحر :اي واحد ما يسكن المدن الساحليه ما يعرف عن البحر غيرانه غدار

الكعبه :الطمانينه وتجديد الايمان

الحب:شقا

الصديق:ايدي اليمين وبعض الاصدقاء اعز من الاخوه

شنو برنامجك امس؟
برنامج طويل بس ماهو مرتب
شنو برنامجك اليوم ؟
الصبح عندي دوام وبعد الدوام والله ما ادري
كم سـاعه تجلس ع الكمبيــوتر ؟
ساعتين ثلاث حد اقصى
هل فعلا انت مرتاح في تواجدك في المنتدي و مع الاعضاء ؟
اكيد وانا بالذات لأني بالجوف ويهمني اخبار بني عمي الاساعده خاصه لأن الاساعده متفرقين في اما كن مختلفه وعتيبه عامه
عضو يستحق الصداقه؟
الكثير من الاعضاء ما عليهم قاصر
عضو شفته و عضو ودك تشوفه ؟
ودي اشوف كل الاعضاء
عضو شخصيته مثل شخصيتك؟
ما ادري والله


تحيتي ........

[ابن بريم المقاطي]

الف شكر يا سطام روق

على الاجوابه الرائعه الله الله تعجبني شخصيتكـ

[ابن بريم المقاطي]

نبي بعد اجابات على كثر اعضاء الهيلا ماتردون والله غريبه ههههههههااي

[ابو براك]

بجاوب على الأسئله بكل صراحه

1- من انت؟ فهد براك العتيبي

2-متى اخر مرة ضحكت من قلب؟ وليش؟
امس ضحكت على تركي 2000 يوم جابو حفل تكريمه ويضيع في الأبيات ووقتها دق علي واحد من أخوياي مطيري ويمدح تركي

3- اخر مرة بكيت من قلب؟وليش؟
يوم وفاة جدي الله يرحمه

4-هل حسيت في يوم من الايام بالضعف؟ومتى كان؟
لا ولله الحمد

5-من الشخص الي تتمنى ياخذ فرحك علشان ماتشوفه حزين؟
اكيد ابوي وامي الله يطول في أعمارهم ويخليهم لي
والله يطول في أعمار والديكم ويخليهم لكم

6-اذا كنت متضايق شنو اول شي تفكر تسويه؟
اتعوذ من الشيطان

7-شنو احلى ذكرى في حياتك ومستحيل تنساها؟
مقانيصي مع أبوي

8-آخـــر شخـــص تتـــذكــــره قبـــل ما تنـــــام؟!؟
على حسب الظروف

9-شنو تعنيلك هالكلمااات:

البحر : الغدر الله يحمينا وياكم منه

السما : الأمطار الله يرزقنا بها

الكعبه : إنشراح الصدر والإيمان

الحب: هو حب الله عز وجل

الصديق: جميع صفات الرجوله فيه شرواكم

10-شنو برنامجك امس؟
مذاكره والنت

11-شنو برنامجك اليوم ؟
نفس امس والله يوفقنا وياكم في الإختبارات

12-كم شخص عندك في المسنجر ؟
حوالي عشره

13-كم سـاعه تجلس ع الكمبيــوتر ؟
ساعتين أو ثلاث ساعات

14-هل فعلا انت مرتاح في تواجدك في المنتدي و مع الاعضاء ؟
اكيد مرتاح جداً بين عيال عمي وربعي

15-عضو يستحق الصداقه؟
كلهم

16-عضو شفته و عضو ودك تشوفه ؟
للأسف لم أرى أي عضو
وأتمنى شوفتكم جميع بدون تحديد


17-عضو شخصيته مثل شخصيتك؟
لاأعرف لأني ماأعرف واحد منكم معرفه شخصيه

18-عضو تعجبك شخصيته؟
كلكم ونعم فيكم ولا عليكم قصور

[ابن بطحان الشيباني]

السلام عليكم عندي كلمه لخوي العضو بلـجيـ عتيبه ـك انت تقول طلعت كويتي يا المقاطي وبعدين ضحكت شنو انت تستهزء في الكويت ولا الكويت مهي تراسه عينك

[ابن بريم المقاطي]

مشكورين على الرد والمرور والاجوبه الرائعه


يا ابن بطحان الرجال يمزح وياي

ترانا ابن عم كلنا سواء كويتي ولا سعودي

المرجع عتيبي وبس

ومشكورين

[ابن بريم المقاطي]

المشاركه متـــــــــــــــــــــــاحه للجميع...

[فيصل المسعودي]

1- من انت؟
فيصل منيف المسعودي النفيعي2-متى اخر مرة ضحكت من قلب؟ وليش؟
ياكثر ماضحكنا ياغالي من قلب ولعدة اسباب مافي بالي شيء معين
3- اخر مرة بكيت من قلب؟وليش؟
كثر المواقف لكن قبل اسبوع وفاة جدي زيد بن فرحان المسعودي موقف مؤثر صراحة4-هل حسيت في يوم من الايام بالضعف؟ومتى كان؟
الله لا يجيب الضعف وحتى لو احسست به اتظاهر بعكس ذلك
5-من الشخص الي تتمنى ياخذ فرحك علشان ماتشوفه حزين؟
والداي الله يحفطهما لي6-اذا كنت متضايق شنو اول شي تفكر تسويه؟
الله لا يجيب الضيقه الواحد لا تضايق ماعاد هو في حال شيء انا من النوع اللي يتوتر لكن احاول ابعاد هالشيء عني مهما كان7-شنو احلى ذكرى في حياتك ومستحيل تنساها؟
مافيه شيء معين كثر الاخبار المفرحه
8-آخـــر شخـــص تتـــذكــــره قبـــل ما تنـــــام؟!؟
ياكثر انا من النوع اللي لا جيت انام كل الدنيا تجي محضره الله لا يوريك تخطيط وشيء اسكت بس مايبقى شيء الا وافكر فيه
9-شنو تعنيلك هالكلمااات:

البحر :
مكان شاعري جميل معه يلازمك التفكير والتفكر وبه يلازمك التعبير عن مكنوناتك والتعبر بخلق الله وعظمته
السما :
مكان عالي برؤيته تعلم مدى ضعفك امام خالق وباريك وبرؤيته تعلو هممك وبرؤيته تتسامى اهدافك وطموحاتك
الكعبه :
الكعبه مكان به صفاء القلوب وحوله خشوع الجوارح ومعه يلازمك الخضوع والتخشع لخالقك وباريك
الحب:
مجرد كلمه لها اثر كبير ومعنى كبير تخاطب قلبك قبل عقلك
الصديق:
انسان يشاطرك همك وفرحك ملجاً لك وعون في كثير من الامور
10-شنو برنامجك امس؟
البرنامح بشكل عام غير مرتب على البركه لكن امس كان بين نوم ونت وزيارة لبعض الاصدقاء
11-شنو برنامجك اليوم ؟
والله اليوم اغلبه نوم والان على النت12-كم شخص عندك في المسنجر ؟
حول 100 وشوي
13-كم سـاعه تجلس ع الكمبيــوتر ؟
بالكثير 9 ساعات كمتوسط معدل 3 ساعات تقريباً بس اتذكر مره صفقتها 16 ساعه ايام الادمان الحقيقي على النت14-هل فعلا انت مرتاح في تواجدك في المنتدي و مع الاعضاء ؟
انا اعد نفسي جزء منهم لا يتجزاء وجودي بالمنتدى بحد ذاته راحه فما بالك بمشاركتي مع الاعضاء وتواجدي بينهم
15-عضو يستحق الصداقه؟
كثر صراحه واغلب اعضاؤنا فيهم خير وبركه ورجال
16-عضو شفته و عضو ودك تشوفه ؟
كثر اللي شفتهم منهم الاخ الغالي ابن مشيب ونبض المشاعر وناصر الحافي والنافذ وحسين الغنامي وغيرهم اعتقد لكن هؤلاء اللي يحضروني الان
17-عضو شخصيته مثل شخصيتك؟
مافيه احد معين صراحه
18-عضو تعجبك شخصيته؟

ايضاً مافيه احد معين لكن بشكل عام كل الاخوان يساهمون بقدر استطاعتهم بما فيه اثارة اعجاب للجميع


قد تكون بعض الاجابات رسمية شوي


لكن نلتمس العذر منكم


احببنا المشاركه معكم والتفاعل


مشكور يالمقاطي


لك فائق احترامي وتقديري

[ابن بريم المقاطي]

الف شكر يا النفيعي على الاجوابه