عنزي جعفري ,,,,,,,بيني وبينك علـــــوم

[سلطان الجـذع]

ماهو بأنا اللي : ياولد وايل يهذري بالحلام =من يمكم جاء نقصها من يمنا جاء زودها
من لـأمك بعرفك وشعرك ياصحيبي مايلام =من يوم غريت العلوم صدروها وورودها

[عنزي جعفري]

اسف لتاخري بالرد كان عندي مشوار ضروري

انا اعرف الماضي واعرف النقص واصحاب التمام= لكن هل الطولات تقدر تاصل لمقصودها
ياللي تلوم الناس لم نفسك وخلك بالنظام = ماتنقبل دعواك غير ان جبت كل شهودها

[سلطان الجـذع]

ياطير ياللي فيك ريشه وكري ,,وريشه ,,حمام =لابارك الله فالطيور اللي قليل فودها
رديتها يم اليمن وانته تلد العين شام =صدقت يامن قلت :جود النفس من ماجودها

[عنزي جعفري]

ياذيب ياللي لك ذنب طول الليالي مااستقام= سود العلوم اليا لفتنا مالها الا سودها
مدام غاضتك الحقايق ويش رايك بالختام = الناس مثلك تكره الصفعات فوق خدودها

[سلطان الجـذع]

وانته سوات الحاشئ اللي لاردوف ولاسنام =يسير خلف القافله مااحدن يقول يقودها
حرام يوم العب مع اشكالك عليه بالحرام = ابا اعتبرها غلطه والله ماعاد اعوددها

[السميــــــري]

سلطاان الجذع ..

مبدع بكل المقااييس ..

صح لسانك ..

ولايهوون الجعفري .,,,,,,

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[سلطان الجـذع]

السميري

وافي بما تحمله الكلمه ,,,,,

بيض الله وجهك ,,,

[عنزي جعفري]

وانته سوات اللي يدربيها ويبغاها طعام = ويموت لافاحت له ارياح الزهر ووردها
انا الذي والله حسبتك من رجاجيل (ن) حشام= اهل الرديه يوم صدو عيدنا بصدودها

[سلطان الجـذع]

التايعه ماهي غريبه منك والله يالخمام =ياللي صلاتك ركعه دايم يطول اسجودها
حنا نرقص من يعاندنا على حد الحسام =اخر زمن حتى الهدا قامت علي قرودها

[عنزي جعفري]

الاخ الجذع ومن تواصل مع هذه المحاورة


اشكركم على المتابعة وانا لااريد الرد لانها وصلت لهذا الحد الذي يجب ان تقف عنده

باذن الله اللقاءات ستستمر في هذا المنتدى الرائع


تحياتي