سلطان الجذع انا وفيت بوعدي لك :)

[سلطان الجـذع]

انا ماشمت مع ربعي رياجيل الوفاء ملزوم =لكن الوقت تبعدني وتدنيني مقاديره
ترانا مالحقنا فالسوالف ظلم وام الدوم =ولكن انشد سعود العصيمي واخذ تقريره

[محمد الروقي]

ياسلطان الجذع ماحدن يقدر عيشة المحروم = لاتشكي للزمان ولاتدوّر من معاذيره
ترى خانك لسانك قصدك الاهرام يا زيزوم = اثرك انته تراجع مرجعك وتجيب تبريره

[سلطان الجـذع]

والا ياصحابنا اهل ظلم ماغير الرجوم رجوم =تذروا سدها لاجاكم الصيف ومعاصيره
انا ماخانني منطق لسان ..ومقصدي معلوم =ولكن انت تفسيرك((مجنح ))شوف لك غيره

[محمد الروقي]

ترى اللقمه في حلقك نشبت وسدّت لك البلعوم = وطول الوقت تشحذ للغنم برسيم وشعيره
ياسلطان العن الشيطان واحذر لا تخاو البوم = ولاتفخر بخوتهم وتصبح عيرتك عيره

[سلطان الجـذع]

تسير بالخطاب اللي عليه من الشيوخ ختوم =واظنك تالي الايام من جرف لدحديره
قبل لا أعرفك هذيه {{وصيه جدي المرحوم}}=لكن ادفن علومك لاتزعل ساكن الديره

[الجـذع]

الله الله

محاوره نار الله يستر



صح لسانكم وعلى القوه

[محمد الروقي]

ترى ماحدن بطامع فيك وانته برطمك مشروم = ولا ياللي دلوّ الناس زارت جمه وبيره
قديمه يالجذع ترجع وتاطا الجمر يالضرغوم = تحولها على ربعك حسافه نجس تفكيره

آخر تعديل محمد الروقي يوم 11-May-2007 في 05:25 PM.

[طلال الثبيتي]

طيب طيب ...




صح لسااان محمد ولسااان الجذع

[سلطان الجـذع]

انا مااحد بطامع بي وسيفي فالعرب ملحوم =ولكن انت كل طامع بك يالله الخيره
تصوم تصوم يالطيب وتفطر بالبصل والثوم =نبا رجلك تقدم وانت تفهقها بتاخيره

[سلطان الجـذع]

الجــــــــــذع صح بدنك

وشرفت يالغالي