ابسولف مع المطران واخذ علم شاعرها

[ابو لمار]

ترى الترحيب واجب للمسّلم خير ولا شر = وخلك في طريق الخير واهل الخير عاشرها
ليا منك زرعت اشعير في الموسم ماتحصد بر = انا ماني زبون لسلعة(ن) غشّاش تاجرها

[رجـم النـايـف المطيري]

ترى اللي مافهمها بالاشاره مايسمى حر=على الطالات طايلها وللوديان حادرها
لعل اللي يموت فبرد مايدفن بيومن حر=وجمال عقيل ماجا من مرضها غير حادرها

[ابو لمار]

فهمناها على الطاير وحتى قبل لاتشر = وخلك ياللبيب بسالفتنا لاتغادرها
انا ماباك في عيون الخصم تصغر ولا تكبر = اباك تصون ورث امطير ماضيها وحاضرها

[رجـم النـايـف المطيري]

الا ياشاعر العتبان ياليتك عرفت السر=واذا عينك ماتنظر زين لاتترك مناظرها
توصيني على المطران اهل نجد ونفود السر!=ماودك ترجع لديرتك وتناظر مناظرها

[رجـم النـايـف المطيري]

صح لسانك طال عمرك

لقد حان وقت النوم

تصبح على خير

ولنا لقاء باكر انشالله ان كان ماطلعت للبل

تحياتي لكم

اخوكم / رجــم النـــايـــف المـطـيري

[ابو لمار]

ترى النمره غلط ماني عتيبي وارس فوق البر = انا ربعي ثقيف اللي كثيرات(ن) مفاخرها
بعد ضيعت مضمون المعاني وش تبا في الشقر = شقرت القاف تستعرض وخلق الله مقاشرها

[الأبتـــر]

الله الله الله

علااااااااااااااك يا ابن العم


ازززززززززززززهل الصفوف وانا اخوك

وصح ألسانك

ولا يهون ابو لماااار الجزل صح ألسانه

اخوك الابتر المطيري

[بنيدر الشيباني]

شكراً للشاعرين محاوره ممتعه