يالله ياللي الك رفعت الكفوفي=في ساعة مايرفع الكف نصاب
انته ملاذي يوم يشتد خوفي=يوم النشور ويوم تدقيق الاحساب
ياواحداًمافيه غيرك لطوفي=لطفك وعفوك مالنا عنه مجناب
انا على بابك يطول وقوفي=من باب رزقك مالنا غيرة بواب
ياللي لك على عبادك تزور وتطوفي=قد قيل ياللي طالبك مابعد خاب
ارفق بحال الي غزته الظروفي=يصبر على الحية ويصبر الداب
واللي بعدها سجلي ياحروفي=جزل الكلام اللي منه هاجسي جاب
تردعني الشيمة ونفسي عيوفي=واعرف مكاني بين عكفان الاشناب
انا هوى بالي وغاية شفوفي=اتلاوت القران هو افضل اكتاب
هذا ربيع القلب ياللي تشوفي=يشهد علي الله ماني بكذاب
وشمس الحقيقة مادخلها كسوفي=وذكر الحيا بين الاجاويد جذاب
يابن ادم ان قفيت مالك نكوفي=مترين في مترين ملفوف بالثياب
مير اغتنم قدام اللف اللفوفي=مامن عذر ياللي للارواح قضاب
ولاني على الماضي كثير الحسوفي=مادامت لعنتر وبن غانم ذياب
والزير سالم يوم جمع الصفوفي=شرق وغرب يوم للحق طلاب
وحنا في الدنيا سوات الضيوفي=مابين يوم وليل ونصير غياب
وخير العرب اليوم رجل (ن) عروفي=يحافظ على دينه ولاهوب شذاب
وبعض الاوادم يالنشاما ضعوفي=يترك فروض الله مايحسب حساب
يومي براسه مثل راس الخروفي=اللي مابين الربق ويدين جلاب
واختامها صلوا على اللي معروفي=عداد ماهلت هماليل سحاب
سعد المقاطي
« آخـــر الـــمـــشـــاركــــات »
يالله ياللي الك رفعت الكفوفي
العرض الشجري