ابو نجر الملعبه (((((((((( تحدي))))))))))

[أبو نجر النفيعي]

المشاركة الأصلية كتبت بواسطة النشمي

الله يخارجنا ويخارجك يابونجر
ويش الشقلبه هذي ياخالد صح لسانك مبدع مبدع
وعلى مين تلعبها قدامك التكتورابونجر

والله انها شقلبه مهيب صااحيه

والله يخارجنا من هالعصيمي

الظاهر انه ناويني اليووم



..
خالد لا اوصيك العب مع النشمي بنفس هالشقلبه

التوقيع

.....

[خالد اوصاهب]

صح لسانك يابونجر
مبدع ما فيها كلام ..... استلم طال عمرك

كويته بجمرة قوية (بلاله)=كحاله بعينه وبصره عميته
عميته وبصره بعينه كحاله=بلاله قوية بجمرة كويته

----------------------------------
(بلاله) ------- يعني بـ ليله
ولكن حسب معجم قبيلة عتيبة يجوز احلال الالف مكان اليا

(بصر) الاولى بمعنى البصر
والثانيه بمعنى (بكيفه)

[طلال الثبيتي]

ابـــــــداع بمــعــنى الــكـــلــمة


وصح لسان خالد

وصح لسان فيصل

[خالد اوصاهب]

المشاركة الأصلية كتبت بواسطة النشمي

الله يخارجنا ويخارجك يابونجر
ويش الشقلبه هذي ياخالد صح لسانك مبدع مبدع
وعلى مين تلعبها قدامك التكتورابونجر

صح بدنك يالنشمي

وانا ليش اخترت ابو نجر (( لثقتي فيه )) انه يجيبها

[خالد اوصاهب]

المشاركة الأصلية كتبت بواسطة أبو نجر النفيعي

والله انها شقلبه مهيب صااحيه

والله يخارجنا من هالعصيمي

الظاهر انه ناويني اليووم



..
خالد لا اوصيك العب مع النشمي بنفس هالشقلبه

ابشر يابونجر يمكن تجبه والا يجيه غارها مثلها

[أبو نجر النفيعي]

شويته كويته وغادي حثاله=لحاله عصيمي وعارف نويته
نويته وعارف عصيمي لحاله=حثاله وغادي كويته شويته

[خالد اوصاهب]

المشاركة الأصلية كتبت بواسطة طلال الثبيتي

ابـــــــداع بمــعــنى الــكـــلــمة


وصح لسان خالد

وصح لسان فيصل

صح بدنك ياطلال
والابداع مرورك

[أبو نجر النفيعي]

لاهنتو جميع

وصح ابدانكم

[خالد اوصاهب]

بيوته ملفق عميلي جراله=مثاله يروع بزندي عطيته
عطيته بزندي يروع مثاله=جراله عميلي يلفق بيويته

[أبو نجر النفيعي]

ربيته وعيّنته يسرق بقاله=خباله هباله بالمطرق زويته
زويته بالمطرق اهباله خباله=بقاله يسرق وعيّنه ربيته

........



خالد صح الساانك

والله يشقلبك مثل هالقاف المشقلب

لا اوصيك اطلب النشمي فيه هاه