قصيده للشاعر فالح بن ضيف الله النخيش النفيعي((عندما راى ربعه تفرقو لطلب المراعي))

[أبو نجر النفيعي]

السلام عليكم ورحمه الله وبركاته

احببت هذي الليله ان انقل لكم قصيده لجدي الشاعر فالح بن ضيف الله النخيش النفيعي((رحمه الله))
عندما قالها لابوي مفلح بن فالح النخيش النفيعي((جعل عمره طويل))
عندما راى جماعته تفرقوا لطلب المراعي لحلالهم في احدى السنين



فقالـ/

الصدر منّي ضاق واونست حاشور=واونست في قلبي هموم(ن)قويات
من حيي اللي راح له مدة اشهور=ما جاء خبر من حي منهم ومن مات
ضرّب على ريمان يا مفلح الكور=على العماني حط كل الكلافات
جوّد عليه القش تراه مذعور=من قوّ جريه فيه بوصيك حوصات
وان جيت تقهر صلف ماهو بمقهور=واثن الرسن في يدك ثلاث ليّات
واركب على ريمان مع طلعت النور=وانحر تهامه والديار البعيدات
وليا وصلت الخبت تلقا لك انشور=تلقا الدبش وبيوت ربعي مقيمات
ملفاك ابو فيحان وابشر بفرفور=وابشر بكيف(ن)بالدلال المعذات
يصب كيف الراس وابريق منحور=واليا خدر شاهيه دنّ البيالات
عندك لبو هاد ي وفوزان مذكور=والكل منهم زايد(ن)بالشكالات
وانشد عن ادهيران تراه مامور=يبرالهم في منزله دايم افوات
تلقا الشحم والهيل والبن منثور=يحطها راعي العلوم العجيبات
تلقا عيال ابوي يا مفلح احضور=اعيال ابوي اهل الفعول القديمات
سلم علاهم كلهم لازم اتدور=قل يا جماعه وشبكم رحتو اشتات
اللي غرس فبحار ويعمّر اقصور=سكان قوق ابحار تبني محلات
واللي كماك احمود راحو بشعثور=وياعزوتي ما كان ضليتو افوات

وسلامتكم
اخوكمـ/فيصل بن مفلح بن فالح النخيش النفيعي

التوقيع

.....