سعيد ابوديه وحسين الحبابي (محاوره)

[علي الحبابي]

محاوره شعريه بين الشاعرين الشاعر الكبير سعيد ابوديه والشاعر الشاب حسين بن شتوي الحبابي جرت علي الشبكه العنكبوتيه ننقلها لكم هنا مع التحيه كاول مشاركه لي معكم في منتداكم الشامخ

حـسـيـن بــــن شــتــوي =
ياسلامي علي ربعي زبـون المجنـا=جمع قحطان ساس المرجله والشجاعه
ياسعيـد ابتلشنـا كلنـا وانشغلـنـا=ونتحراك كل اربع وعشريـن ساعـه
سـعـيــد أبــــو ديـــــة =
مرحبا مرحبا بالشاعـر اللـي تعنـا=نفتخر في مقامه والوفاء من طباعـه
انت قدلك ثلاث سنيـن وانـت تمنـا=ابشرابشر بما يرضيك سمع وطاعـه
حـسـيـن بــــن شــتــوي =
القحاطين في داخـل وخـارج وطنـا=حافظ حبهم يااسعيـد حفـظ الوداعـه
ياهل الساحل الشرقي ترانـا وصلنـا=والله اعلم تبون الوصل والا القطاعـه
سـعـيــد أبــــو ديـــــة =
ولله ان حبهم في وصـط قلبـي تثنـا=وكل طير (ن) كسر حومه مرده لقاعه
ما قطعنا الوصل واللي نوا يصد عنـا=ننحره بالوفـاء ولا سمعنـا لاشعـه
حـسـيـن بــــن شــتــوي =
استعنـا بعـلام الغـيـوب استعـنـا=والوقاعه تري قلبي يحـب الوقاعـه
ليش عباس ابن فرناس يـوم اكتملنـا=نزل الراس كنه ضايـع لـه ضياعـه
سـعـيــد أبــــو ديـــــة =
العلـوم اقبلـت منـا ومنـا ومـنـا=لكن الشاعر الراكـد بـلاه اندفاعـه
كل واحد على ليـلاه يطـرب وغنـا=وبعد هذي وهاذي مابقاء لك شفاعـه
حـسـيـن بــــن شــتــوي =
بنت ابوزيد تنقش لي علي الكف حنـا=والدكاكين دائم تختلف فـي البضاعـه
منهو القائد اللي قـاد غـزوه مهنـا=بعد ماغادر القائـد وصفـط شراعـه
سـعـيــد أبــــو ديـــــة =
نقشـت كفهـا وتقـول حنـا وحنـا=والخفايـا تبينهـا رسـوم الاشاعـه
قادها فارس(ن) ذرب(ن) وفينا ومنـا=ايه والشاهد الله بالرضـاء والقناعـه
حـسـيـن بــــن شــتــوي =
صار تقدير نـا ممتـاز يـوم امتحنـا=والوفاء زارعينه في الضماير زراعـه
سلمولي علي اللي في حياتـه تهنـا=مايفارق يابوديه صفـوف الجماعـه
سـعـيــد أبــــو ديـــــة =
يابن شتـوي لارهنـا كسبنـا رهنـا=وكل شاعر نقدر موقفـه وانطباعـه
سار في السالفه ياحسين شك(ن) وظنا=والصقر سجته في مرقبـه وارتفاعـه
حـسـيـن بــــن شــتــوي =
والله أنُـا نعـدك ذخرنـا فـي زمنـا=ماخبرت اسحم الذرعان ياكل ذراعـه
راحوا العالـم اللـي مستواهـم تدنـا=غيرعلم بعد بكـره وزيـر الصناعـه
سـعـيــد أبــــو ديـــــة =
لو نشدت الزمـن كنـا وكنـا وكنـا=واخر الوقت باراق(ن) نخيل شعاعـه
سلمو لي على اللي لانتخا مـا تونـا=مير يامكثر الشجعان وقـت الفراعـه
حـسـيـن بــــن شــتــوي =
شفت في فيضه الوادي بيوتـن تبنـا=وليله نجتمع فيهـا تراهـا طماعـه
والله انحن يابوديـه نواصـل عملنـا=وراعي الكيل يعرف وايش مده وصاعه