قرب قرب قرب يا الطوفان

[خالد العصيمي]

المشاركة الأصلية كتبت بواسطة الطوفان

مايروعني ياكود البعث في يوم الشفاعه= غير هاذي مايروعني فلان ولا فلاني

الله الله


على الابداع الاكثر من رائع


متابعين


صامل الغنامي & الطوفان


للئبداع

[صامل الغنامي]

ا

البعير الي غدالك وش تسبب في ضياعه=يوم شفتك عنه تنشد طار نومي ماهناني
صاحبك صامل فضولي لاتبرق في طباعه= وانت ابن عمي شقيقي مسندي سيفي سناني

[صامل الغنامي]

الشقاوي// حي والله هالراس يابن العم

الابداع من انتاجك ياشاعرنا المبدع

تحياتي

[الطوفان]

الامور هوينه من محزمي ضاعت سراعه= مثل غيري يوم ضاعت عشر من فوق الثماني
انت ياصامل مسويها على المسلم لكاعه= يوم ياصامل تعزوابي ويومٍ ماتباني

[الطوفان]

الشقاوي

هلا وغلا

مرورك اسعدنا

تحياتي

[صامل الغنامي]

الإمام المهدي الي قد أمرتم باتباعه= هو طلع صحيح ولا غرني علم لفاني
يامصلي منفرد يابوك صل مع الجماعه= سبعه وعشرين تحسب لك ياطلاب الحساني

[الطوفان]

لو نشوف المهدي المعصوم له سمعٍ وطاعه= وانته احرص لاتجي ضده تضيعك الاماني
انت تفتي لابسن بشتك وصوتك في الاذاعه= وانت ماتعرف ولا تدري عن السبع المثاني

[الطوفان]

ليه ماتنشد ولد عمك عن علوم البضاعه= ثم تسمع من لسان الشخص ماهو من لساني
صاح له صيحه وشفنا اللي يبا يلوي ذراعه= ثم قلنا قولنا لكن ماحصل مكاني

[الطوفان]

انت وش وداك للأيدا تحولها وداعه=كان ماتفهم كلامي روح دور ترجماني
العتيبي عندنا غالي ولا نقبل نزاعه=مانفرق في عتيبه في الخفايا والبياني

[الطوفان]

ههههههههه

لاوالله يابن العم الامحقق بدرجة امتياز

والله انا قد فعلناها بحسب الاستطاعه= والعرب عنها تصد الشوف وتسد الاذاني
نطلب المولي يلم الشمل وتزين الزراعه= قبل لاتصبح على العتبان محنه وامتحاني