أثر شاعر روق

[شاعر روق]

المعازيب ارفضوا وانته على الشين تحداني=والفعول فعولنا والزّبر شاهد للقضيه
لا تقول بوارديه رح ودور علم ثاني=كم ذبحنا من نواجيلك واخذنا البندقيه

[شاعر روق]

الزمان القلباني ماحصل لك فيه شاني=ماحصل لك شان واليومه لك الله ماعليه
والفعايل من يدينابالسيوف وبالسناني=والمطاريه تشق جيوبها وهيه صبيه

[شاعر روق]

ماحكمت الا المطاريه ومن جورك تعاني=كل ماصبحك روقي لذت في سد الصبيّه
كبرت علومك وهانت يالمطاري في ثواني=عقب ميسمنا كوى في في غاربك عشري كيّه

[الطوفان]

انت نبته فى الثرى وتعاين أسهيل اليماني***هب يابعد المسافه بين ذاك وبين ذيه

كان ماتفهم كلامي روح دور ترجماني***عقب ماجاك الكلام تقول راحت السويه

[شاعر روق]

مانت بسهيل اليماني يانبات القحوياني=جفت عروقك وتسقيها مزون العقربيه
الكلام اللي تقوله نفهمه يالمغلطاني=والكلام اللي بدون شهود ماله قابليه