واليـوم صـار الذيـب والعنـز والشـاه @ ترعـا ويرعـا الـذيـب والنـمـر معـهـا

[ابـن نـعـيـس]

صـــدري تـفـجـر بتـمـاثـيـل مــجــراه=وانـتـج بـيـوت تــو فـكــري صنـعـهـا
جــار وتفـجـر وانفـجـر وانتـثـر مــاه=وفـــك الـســدود المغـلـقـات ودفـعـهـا
وقامـت هواجيـسـه بالافـكـار تشـعـاه=وانشـا البيـوت المحكمـه واخترعـهـا
والـشـعــر لا زيــــن ولا زان مــبــداه=صـارت ابيـوتـه مــا يـوافـق سنعـهـا
واللي يخوضه ما درى ويـش معنـاه=كـا غابـتٍ مــن خاضـهـا مــا قطعـهـا
واللـي يـدور منطـق العـرف واخطـاه=قـصـده دواء عـيـنـه وبـيــده فقـعـهـا
وإلـي يـكـوده فـعـل الامـجـاد بصـبـاه=لا شـاب لوهـي جغمتـن مــا جرعـهـا
والمجـد صعـب ويتعـب النـذل يـرقـاه=وبه طلعتـن مـا كـل مـن جـاء طلعهـا
ومــلا يــودك فاسـعـد الـوقـت فـرقـاه=ونفس تبيعـك بارخـص السعـر بعهـا
واعرف سنع وقتـك ودربـه وممشـاه=وانـطـاعـتــك الايـــــام ولا فـطـعــهــا
ولا يـغــرك كـثــرت الـمــال والــجــاه=ونـفــس مـايـطـري علـيـهـا طمـعـهـا
وقـت وطــا راعــي الــدروب الـخـلاه=مـحـد يـحـوف الـديـره الـلـي رتـعـهـا
واليـوم صـار الذيـب والعنـز والشـاه=ترعـا ويرعـا الـذيـب والنـمـر معـهـا
وبعض العرب لا قـال الاشعـار ماتـاه=ان زانـــــت الـقـيـفــان ولا رجـعــهــا
ولا جيت ابترك منهج الشعر وانسـاه=هاضتـنـي الـلـي عـذبـت مــن تبـعـهـا
الــجــادل الــلــي مـاتـعـذبـت لـــــولاه=هـاضـت غـصـون بالـمـوده زرعـهــا
غض غطيطي ويسلـب القلـب بحكـاه=حـروف المـوده فـي فــوادي طبعـهـا
ابـو نهـود فـي حـشـا الـصـدر تـقـذاه=حـمــر ثـمـرهـا والـطـفـل مارضـعـهـا
والله خلق الانسـان واشقـاه واعطـاه=وسبحـان مـن يعطـي العبـاد ومنعـهـا
الواحـد اللـي نقـصـد البـيـت لـرضـاه=حتى خطى النمله على ارضه سمعها
نرجـي عطـا جــوده ومــده ونخـشـاه=يــوم القـيـامـه لا تـدانــت السـوعـهـا
الله يـقـديـنــا عـــلـــى درب تـــقـــواه=ويـصـدنـا مـــن سـنــة مـــا شـرعـهـا
وصلو علـى اللـي بذكـر الـرب مبـداه=اللـي محـى روس الطغـاه وصرعـهـا

التوقيع