قوم قص الثوب الاحمر ثم قص التركوازي

[علي الثبيتي]

يافهد يابوك انا في السوق صادفت ابدويه=لا تربت يم نجد ولاهي امن اهل الحجازي
ادخلت سوق القماش ابذوق والنضره قويه=ويوم لفت برقبتها كنها ضبي الجوازي
اتجهت بصوبها ماشي مشات(ن) عسكريه=واخذ(ن) وضع انتباه وماخذ( ن) وضع احترازي
ثم طلعت الرجل تسعين واديت التحيه = هزت الديكورهز وهزت الضلع الموازي
عينها في الثوب الاحمر والنضر يمي وفيه= عينها تشبه لعين الحر ماهي عين بازي
قلت ياراع المحل ارفق وراعيها شويه= قال وش دخلك تقزي لك ضبي ان كان قازي
قلت انا عمري وهبته للعرب كله حميه= وانت تخساء ماتصيطر في البلد ياطاج كازي
شوف كم احسابها ول شخصها مني هديه=قوم قص الثوب الاحمر ثم قص التركوازي
واهني اللي ملك زين الحلايا واهنيه = ياخذ الأول بمرتبة الشرف والأمتيازي
ياعتابه مات قيس بحب ليلى العامريه = وكان مت بحبها قولو بحب الزين فازي

وسلامتكم التوقيع / اخوكم النشمي

آخر تعديل علي الثبيتي يوم 29-Jun-2007 في 04:41 AM.