خطيره كنها الثعبان ..........

[مرزوق حمدان العتيبي]

	ابيات اتمنى ان ترقى الى ذائقتكم ... غريبه حال هالدنيا عجزت القى لها عنوان = تقول ان الغدر من طبعها والطيب عادتها جميله لكن الخالق وصفها با اقبح الالوان = ولابه شخص في هالمجتمع ماذا ق لوعتها جميله كنها العذرى .. خطيره كنّها الثعبان = تجمل لك , ولكن ماتدوم الك بسعادتها تغرك في تبسمها وتعشق ثغرها الفتان = وتحسبها صدوقه لين تستكشف حقيقتها حقيقتها خفيّه مايمزها سوى الفهمان = على نهج النبي ماهوب واقع في متاهتها تدور ابنا لياليها وهي من عمرنا نقصان = ولا يمضي نها ر الا نقرب من منيتها سريعه في تقلبها تجي لك كل يوم بشان = تمسيك بحلاوتها وتصبحك بمرارتها وهذي حكمة الخالق خلقها واوجد الانسان = لجل يخلص له الطاعه ولاتغريه زينتها تراها جنة الكافر ربح فيها وهو خسران= ولو الله جعلها خير مايسقيه شربتها ترك منهج نبيه واستمر بمنهج الشيطان = مشى في سكة ٍ بالنار ترمي به نهايتها سعيد اللي بها وفق لفعل البر والاحسان = ولو زانت بعينه ممتلي قلبه حقارتها وشقي اللي جعلها غايته وابعد عن الرحمن = تولع في هواها واعتبر همه ملذتها عليه انه يتوب من الذنوب ويطلب الغفران = عسى الله يلطف بحاله ويمحا كل سيتها

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD