يا سلامي عليكم كلكم

[عد الرّوى]

المشاركة الأصلية كتبت بواسطة سنجار المري

انت مثلي ودارك ياولد فالكويت ** عطني اخبارك اوحضرا تقوم النيام

راحتَ احلامكم ياصحبنا كمبليت ** حلمكم ماتحقق ياولد فالمنام

ما لنا بالكويت الا ربع اهل صيت= اما أنا ديرتي من فوقها الضلع زام
كل احلامنا صارت و هي كيت كيت= ولعوها بمصر اهل اللحى و المعام

[الهااوى]

مشاء عليكم ياهالثنين تغيبون سوى وتحضرون سوى
صح الالسنه والقلوب

[سنجار المري]

زين عادك تذكر ياولد مانسيت ** وين دارك عسى تلقى شرابً اوطعام

كيف تتبع وتهدم ياولد مابنيت ** لا تحرم حلالً ولا تحلل حرام

[سنجار المري]

لا ولله انها بالصدفه يالقرم وغير مقصوده ابد

حياك الله يالقرم

مشكور علي المتابعه

[عد الرّوى]

المشاركة الأصلية كتبت بواسطة الهااوى

مشاء عليكم ياهالثنين تغيبون سوى وتحضرون سوى
صح الالسنه والقلوب

ههههههههه

حياك الله يالهاوي

لكن ترانا بعيدين عن بعض

كلن بديرههههه

[عد الرّوى]

المشاركة الأصلية كتبت بواسطة سنجار المري

زين عادك تذكر ياولد مانسيت ** وين دارك عسى تلقى شرابً اوطعام

كيف تتبع وتهدم ياولد مابنيت ** لا تحرم حلالً ولا تحلل حرام

عادةٍ ثابتٍ فيها منا ترازيت= و داري بعالية نجد و حوالي تمام
كل صرحٍ بنينا باقين ما بقيت= و الحلاال نتحلى به و الآخر ليام ههههه

[سنجار المري]

تعديل الحركات

زين عادك تذكر ياولد مانسيت ** وين دارك عسى تلقى شرابُ اوطعام

كيف تتبع وتهدم ياولد مابنيت ** لا تحرم حلالُ ولا تحلل حرام


انت نجدي على عز وعمك بخيت ** تتبعَ اومره وتقول حسب النطام

ليتكم استرحتوا ياربع ليت ليت ** مالكم في حلال القوم راس وسنام

[سنجار المري]

صح الله السانك يا عد

وتشرفت باللعب معاك

متشوف شر وسلم علي الربع اهل منتديات التسامي

[عد الرّوى]

صح بدنك يا سنجار

و نلتقي على خير

[سعود بطيحه]

الله الله زحول شعار الله يحفظكم؟؟؟