اررحب يانواف المري علي الطاروق

[خالد الفوزان]

لابالله جاك السيل ياناطح السيل = يبا يقلعك من ريعك اللي تمرة
عتيبي علي دين الرجال المشاكيل = ماهو مثل من دان الخنا والمعرة

آخر تعديل خالد الفوزان يوم 19-Nov-2012 في 10:36 AM.

[نواف المري]

ياخالد ترى ماكل من يعدل الميل=يبا يصيبها في كل مره ومره
توقع ترى فوقك تخيل مخاييل=بردها على راسك يجيب المضره

[خالد الفوزان]

تريح ودوك البن والتمر والهيل = ولايلحقك شكٍ علي حين غرّة
تعزوي ولكن ماحصلك محاصيل = ولو تبترم وتلف عشرين كرة

[نواف المري]

بعد فاتك الموجز وكل التفاصيل=خذينا دررها مابقى معك دره
بشهد عليك اللي يعرف التحاليل=بعد نمت قوم ومفرق الثوب طره

آخر تعديل نواف المري يوم 22-Nov-2012 في 12:18 AM.

[خالد الفوزان]

علي الهون ياراع الدلال المعاميل = وعمك تري حقّ عليك ان تبرّة
تري قافك اللي شيبتة البهاذيل =وراجع وتلقي وانتبة للتشرّة

[نواف المري]

علامك على المطلاع ماعاد بك حيل=دركسون موترك انفرط لا تفره
نقول لك صب وتعتذر بالفناجيل=ترى البخل حاجه ماوراها مسره

آخر تعديل نواف المري يوم 23-Nov-2012 في 02:05 AM.

[خالد الفوزان]

ليا كنت عندي من حساب البهاليل = ياكيف اتجمل واحدٍ فية عرّة
تري حن علاكم مثل مايطلع سهيل = وصعبة علاكم تاصلون المجرّة

[احمد العمري الحربي]

صحت السنتكم ماقصرتو طاروق ناري يعطيكم العافيه