حـول تسميـة عُـتَـيـبْـه .. !

[أبو مرحبا]

السلام عليكم ورحمة الله وبركاته ...

اخي الكريم أقراء هذه القصيده وسوف تعرف من هي عتيبه وأين تجد الكتب الموثوقه بنسب عتيبه

ابدا بسم من له عباده يلبون=تقرب(ن) لله وموحدن له
واد الفروض الخمس مع اللي يصلون=تنفيذ لامر الرب وعبادتله
ومن بعدها بدلي مع اللي يدلون=بنصيحه وتنبيه يسامعله
يامولفين الكتب لا لا تغلطون=هدو من السرعه وقولو اسمله
لاتوهمون الناس في ماتخطون=بخبار مغلوطه من الفهل يله
واجب عليكم تحرصون وتحرون=قبل القلم تنوشكم جرتله
من ناقد(ن) يلقى مثاليف وطعون=مابين قيل وقال ومقلقلله
عن الحقايق بالكتب لاتطوفون=كم عالم ماسلم من هفوتله
اخاف من غلطه عليها تلامون=والمؤمن من الخلق قلبه يدله
تحققو قبل المخاليق يوحون=قبل الكلام يشيع من ناقلله
ياللي بالانساب القديمه تخوضون=تشبثون بعلم منتم هلله
عندي نصيحه كان لنصح تصغون=نصيحة ماريد منكم جزله
ماكل من ولف نزيه(ن) ومامون=خلى الامانه عمد متجاهلله
والناس والنقاد بنقد يلقون=عليه مهمس في كلامه وخله
قريتلي منشور بزيف مشحون=كله خرافات وسوالف ممله
البعض منهم بالنسب صار مفتون=تدخل بشي(ن)مهو مستوله
نشر عن الرحال والنشر مطعون=عاري من الصحه ولاصحتله
وين المصادر وين ياللي تكتبون=لقناع من يقراه من مصدرله
كلام ملفق ولاهو متقون=واللغز واضح واكثر الناس حله
يامن وقعتو فالخطا لاتمادون=منشوركم مبتور وكل فطله
علم النسب بحر(ن) بموجه تعومون=تلاطم امواجه على ساحلله
اعماقه اصعيبه على اللي يغوصون=ماكل من هام البحر سابحلله
عمقه متاهات ومجاهيل وحصون=في عالم(ن)مجهول محد(ن)يدله
قمتم على انساب القبايل تجرون=من دون اسانيد وحقايق وادله
ترون عنهم من مجالس يقولون=على الجرايد والصحف والمجله
بالله على مانشر وشلون تقرون=لصاحه لامنشربصحف لللله
ابنشد الراوي وقولـله وشولون=غيرت اسم عتبه وصفحة اسجله
وسميته عتيبه على ماتريدون=غلطه من الراوي كبيره وزله
بسم هوازن بسوالف تسموون=والكل منكم حطها عزوتله
هوازن الها شعوب وفروع وبطون=وشعوب وقبايل محد(ن)محصيله
من اكبر قبايل قيس بسجل مضمون=وعلم النسب محفوظ مافيه خله
لبن حزم شرح(ن)موثق وموزون=شرح عن الانساب وموضحله
ومقدمة ومجلدات ابن خلدون=ومولفاته فيها الاخبار كله
وموسوعة الكلبي عنه لاتتيهون=علم النسب بمجلده مهنتله
وابن الاثير وراجع اللي يعرفون=وفي معجم الانساب دقه وجله
وفي صبح العشى واضحه كان تقرون=مختص بالانساب ومدققله
وكتب المفصل كان للبحث تهوون=شرح عن الانساب ومفصلله
ابو العتيبيه سعد لاتضيعون=تنسبله عتيبه وهو دوحتله
والجد بكر ابن هوازن ومضمون=في شجرة الانساب يوجد سجله
يامدعين الفهم وشولون تقرون=سوو الفهم فيه الف عله وعله

المؤرخ والشاعر
ماجد بن مغيرق العصيمي العتيبي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[منآور المورقي]

ابـك شوي شوي خاابرين نسب عتيبه في هوازن ولا جاينا شكّـه عنووان الموضوع كـ التآلي ..

حـول تسميـة عُـتَـيـبْـه .. !


ززين...؟

[سرحان الشيباني]

السلام عليكم ورحمة الله وبركاته

السؤال كما هو موضح بالعنوان ولدي عدة استفسارات واتمنى الاجابه عليها بشكل صريح ومن باب المعرفه لا يأتي من يرد على الاستفسارات حسب اختراعه :

1- اذا كان اسم عتيبه رجل فما هو عمود نسب هذا الرجل وفي اي زمن عاش .

2- اذا كان اسم لمكان او علم مشهور فما سبب التسميه واين يقع ذلك المكان .

3- اذا كان اسم لصفه فما معنى اسم عتيبه .


ملاحظه : لااحد يقولي انهم تحالفو تحت اسم رجل اسمه عتيب لأن القصه هذي مفبركه ولا دليل عليها سواء اثارة النعرات

آخر تعديل سرحان الشيباني يوم 07-Sep-2011 في 09:16 AM.

[علي الثبيتي]

وعليكم السلام ورحمة الله وبركاته


اول شي تراك محفول مكفول من جميع الاعضاء ههههههههه

ثاني شي عطنا دليلك ومصدرك ان اسم عتيب قصه مفبركه

ولي عوده يابن مشيب

التوقيع

ماني بلا روقي ولا برقاوي = انا ثبيتي جد روق وبرقا

[سرحان الشيباني]

المشاركة الأصلية كتبت بواسطة علي الثبيتي

وعليكم السلام ورحمة الله وبركاته


اول شي تراك محفول مكفول من جميع الاعضاء ههههههههه

ثاني شي عطنا دليلك ومصدرك ان اسم عتيب قصه مفبركه

ولي عوده يابن مشيب

تسلم يالغالي

عدة دلائل وليس دليل واحد ياعلي لو كان اسم لرجل لسمعنا به عن طريق اسلافنا

ايضا لم تذكر جميع الكتب التي تحدثت عن نسب عتيبه

[حمود بن خيشوم العصيمي]

سؤال غير متوقع !

[سرحان الشيباني]

المشاركة الأصلية كتبت بواسطة حمود بن خيشوم العصيمي

سؤال غير متوقع !

ياهلابك ياحمود ومانستغني عن مداخلاتك في مثل هذه المواضيع بحكم خبرتك

[ابومحمد القوادي]

عتبة الرحال

مقتول بحروب الفجار قبلها

وهو من بني عامر بن صعصعه وبتحديد من بني جعفر من بني كلاب

ولا اعتقد ان قبيلة عتيبه الغاليه مسميه عليه

لي ان فرق سنين فلماذا بعد الالف سنين يسمون عليه عتيبه

فاتوقع انه اسم فخذ ببني سعد او جشم او غيرها

[رفيق الطيب]

المشاركة الأصلية كتبت بواسطة ابومحمد القوادي

عتبة الرحال

مقتول بحروب الفجار قبلها

وهو من بني عامر بن صعصعه وبتحديد من بني جعفر من بني كلاب

ولا اعتقد ان قبيلة عتيبه الغاليه مسميه عليه

لي ان فرق سنين فلماذا بعد الالف سنين يسمون عليه عتيبه

فاتوقع انه اسم فخذ ببني سعد او جشم او غيرها

الآن إيش دخل جشم في عتيبة

عتيبة أبناء رجل واحد وهو سعد بن بكر ... واللي ماهو من سلالته من من العتبات

بعدين إذا قلنا بني سعد وبني جشم عتبان

في أي جد يلتقون ؟!

يلتقون في هوازن ولكن هوازن يالطيب جد بني سعد وبني معاوية اللي منهم جشم وقبائل ثقيف

ركز أخي الغالي جزاك الله خير

تحياتي

[ابومحمد القوادي]

هلا اخوي

مب شرط يكونون ابناء رجل واحد بحلف

فهل معنى كلامك ان عتيبه كلها مافي ولا فخذ من هوازن غير بس بني سعد

فهينا عتيبه لا تصبح ورثة هوازن بل وريثة بني سعد فقد

وهذا شي ماتوقعه