إسأل

[فيصل المسعودي]

المشاركة الأصلية كتبت بواسطة بدر بن عصاي

ماله لزوم إنك تروح بعيد = وإن رحت قبل تروح ودعني
لأنك مجرد ماتبي تأكيد = تفسيرها يعني ولايعني
لاتقول انا اللي طبعي التعقيد = مادام انا بالسالفه معني
إسأل وانا اجاوبك بالتحديد = واجاوبك والناس تسمعني
ان كان ذلي عند ربعي عيد = للموت قبل أعيادهم بعني
مانيب من يرضى يعيش إزهيد= الله عن الطفسات يرفعني
امشي ولااهتميت بالتهديد = وعن غايتي ماأحدٍ يرجعني
وفالمرجله سيد ولالي سيد= مخلوق بس الناس تتبعني
والشله اللي قصدها التنكيد= لاتستمع لعلومهم طعني
لكل ناجح فيه ناس تكيد= والا الحسد بالفعل وش تعني
مايملك التقليل والتزويد= ومن لاينزلني مايرفعني
والله جعل خلقه شقي وسعيد=وأرجيه بالأبرار يجمعني
ربي ويفعل مايشا ويريد= ماأرجي من المخلوق ينفعني
فهمت والاللكلام أعيد = لاتحاول بكلمتك تخدعني
لأنك مجرد ماتبي تأكيد=بتصير عندي انت لاتعني

بدر بن عصاي


صح لسانك


قصيده رائعه


تحياتي لك.

[المسرّي]

صح لسانك وطال عمرك

[ولد عصاي]

السلام عليكم ورحمة الله وبركاته

ولد عمي اشهد انك شاعر من شعراء عصاي وانا من عيال عمك اعرفك زين يا ابو حازم صدق اني ما باركت لك لكن اباركلك مبروك ياولد عمي

[أبن مسلم]

صح لســـانك ...

جزل وتمتعنا دائم بالجزل ...

لا هنت يالغالي ..