سداح الغنامي العتيبي وغالب الذيابي العتيبي

[أبن نافه العطاوي]

قصيدة لشاعر الكبير سداح الغنامي العتيبي اللذي يسكن في الكويت تتنبأ بمستقبل الكويت القادم.
اعجبتني فكرة الشاعر وتقمصة للشخصية المقصودة في القصيدة:


وهذي قصيدة سداح الغنامي العتيبي :

ياربعنا اللي ورى رضوان=شوفوا لنا بيوت شعبية
بإيجار ماهيب بالمجان=مشريّة غير مهديّه
الله ولا منّة الديان=لو كلكم مني وفيّه
الوضع مخطور في هدلان=حسب الظروف السياسيه
اللي وصل من قصر دسمان=مجموعة أخبار سريه
مضمونها سم بالرحمن=وانحش عن الداب والحيه
والله أعلم .. ياضرب ايران=خلال الايام هذيه
عان البحر فاض بالحيتان=ولا عاد فالحور حوريه
واجواء البلد كلها دخان=وحدودها غير محميه
واحمد نجادي طويل لسان=يزمر بعد خربت النيه
الفرس صفوا له الفرسان=في دارها نارها حيه
والمشكله قفل البيبان=ولا يقبل حلول وديه
يقول لملهي الرعيان=غرد لعين الخمينيه
وحنا ليا ميل الميزان=تقاطعونا الحراميه
كم بيننا سارق وخوان=هذي علوم حقيقه
خورشيد .. والمهري ..وسستان=وعبدالحسين وبني خيه
والبهبهاني وابو هبان=وغلوم .. يالعنبوا حيه
جيران ما تعرف الجيران=مله مع الناس ملويه
بكره تكشر لك النيبان=وتظهر لك امواس مخفيه
واول ما يقعد بها البدوان=وين انت ياناطح الهيه
ويمكن بعد شرذمة طهران=ترشنا بالنوويه
نبا نسرمد مع الخليان=ماعاد فالوقت ماويه
نسلم وناكل لحوم الضان=ونشرب حليب السعوديه

ورد الشاعر المقصود في القصيده الشاعر /غالب الذيابي

تذكّر الكاين اللي كان=بعد اذن الفجر بشوية
والعصر كل البلد مليان= وفنادق الدارممليّة
واليوم يابعدها يافلان= بيوت مافيه موليّه
تعال ونسدك العدوان= وابن الخيام الصباحية
سداح وانته سليل حصان=وجينات دمّك عتيبية
أشهر سوات أشقرالجنحان =مادام الاجوا طبيعية
ايّاك ومقابل الحقران=والذل لارحم ابو حيّه
ديرة رخى تشبع الجيعان=وفالحرب ما تنطح الهيّة
قانونها رخص الشجعان=وأغلا ثمن كل دونية
نص القبايل تقول أفغان=بدون مافيه جنسية
ومحمود حيدر يجر الحان=على القصور الأميرية
وربع الجويهل غدوا شيخان=ولهم مزايا وزارية
عليك بديار ابن وبصان=شيخ السلف ورث جدية
شيخٍ شداده من الجدان=وأمارته نارها حيّة
وانته من الحفر لدعيكان=وألا عبال الرماحية
تلقى هل الطايلة والشان=كب الديار الكويتية

. وسلامتكم