فهد الشهيب الثبيتي
سلام رديه لها معنـى ومعناهـا بعيـد=من شاعر ٍ عنده فصاحه مايباله ترجمه
الهرش تال الوقت قام يعيد فالعلم ويزيد=ياجعل ربي مايعيدك يازمان العولمـه
سعود العصيمي
يامرحبا ترحيبة ٍ تمشي وتاصـل ماتريـد=من شاعر ٍ معروف ميقافه وسيفه وعلمه.
الهرش ماقال الك غير الصدق والعلم الاكيد=لكن قلبـك يافهـد عيـا يطيـع امعلمـه
فهد الشهيب الثبيتي
ترا المواقف ماحماها غير سيف ابن الوليد=وانته حزامك في نهار المعركه عود اسلمه
مار الحقيقه موقفك تال الزمن ماهو جديد=ماعاد باقي غير تسس في طحيّ منظمـه
سعود العصيمي
صحيح وانا ماقفي حاميه بالسيف الحديد =وانته ثبيتي ٍ ماعنده ثائره في محزمه!!
انتم ياقوم السيل لو انسيل الوادي رصيد = ماسد عنا افواهكم لو كان نملى له فمه.
فهد الشهيب الثبيتي
لولا الثبيتي كان مارزيت لك في نجد عيـد=اثر العصيمي دايما طبع الخيانه فـي دمـه
العلم وصلك وانتبه والموت في حبل الوريد=وان مت مااظني تقول الناس يالله ترحمـه
سعود العصيمي
ماني بجاحد طيبكـم يثبيـت وكـرر واعيـد=دهنت سيرك لين حقق كل رجـل ٍ مقسمـه!!
وصل ورده وصل الك من دون نقص ولا مزيد=وانا يابوعواض اعمر البيت وانته تهدمـه؟؟