أحد طواريق الصيف في الطائف
ملفي المورقي
يا قصر يا قصر ياللي بين سود الخطوط = ذكرت قلبي سنين (ن) راحت أيامها
يا ابو سعد قوم باقي لك وراء الشوط شوط = سابقك حره وتعجبني بدرهامها
سفر الدغيلبي
حسب اللوايح وحسب الأنظمه والشروط = أبا أتعلم ربوعي وأخذ أعلامها
كانك مسلح فأنا عندي جداد المشوط = شقر عباريدها مصتك (ن) حزامها
ملفي المورقي
يسوط قلبي من أسباب الغرابيل سوط = ......................................
لكن صابر وثابر لا يصيبك قنوط = قبلك رجال(ن) عدت لين أحفت أقدامها
سفر الدغيلبي
الحمل يا هرشنا شقران عنك محطوط = على جمالنا نشاط (ن) صلبه عظامها
العنكبوته تزين بيتها بالخيوط = وإليا إلتفتنا عليها سهل (ن) إعدامها
ملفي المورقي
قدمك بعير(ن) صعب جنبه ماهوب مخبوط = تشوفه الحشو مثل النشوء قدامها
المزرعه برها بالهيبان مخلوط = مغير زراعها يتعب لصرامها
سفر الدغيلبي
أشوف لي عالم(ن) فيهم طغى قوم لوط = ما تنتهي لين أعلمها وش أحجامها
أظن سوط الغضب يكفي عن 2000 سوط = يحطم أهل الكفر ويحطم أصنامها
ملفي المورقي
من سكرة الموت ياقرب الكفن والحنوط = ما دام بعض الوجيه أحسن لها إعدامها
ماني بقايل لسانك يا عتيبي غلوط = لكن بيض الصحايف جفت أقلامها
سفر الدغيلبي
بعض العباد يتخبط كنه الأخطبوط = يلوم غيره ونفسه ما بعد لامها
« آخـــر الـــمـــشـــاركــــات »
26-Jul-2011, 01:17 AM
سفر الدغيلبي وملفي المورقي (ابداااااااااااع )
العرض الشجري