الا يامرحبابك يالعطاوري والدروب وساع

[محمد@الجعيد]

ترى القمه يابن عمي بدايتها من ارض القاع=عسى مشعل على اسمه ياعرب ماتنطفي ناره
ترى بيت الشجاعه لرجال اهل القنا مرجاع=تقدم واكرب احزامك وغاره من ورى غاره

[محمد@الجعيد]

اشكر كل من شرفنا بمروره

[مشعل العطاوي]

دوك ,,,

نعرف القمه ونعرف مايرقاها ياغار اسباع=سباع(ن) تدمي المخلاب وقت الضيف واخطاره
وانا مانيب يامحمد براع(ن) من سلايل راع=انا في مقدم اللي للعدا والخيل حشاره

التوقيع

مـاعـاش مـن يـرضـى لـنـفـسـه هـضـيـمـه mashail-alatawe@hotmail.com

[محمد@الجعيد]

تركد واحتكم ياصاحبي في طرقت الاسناع=ترى الايام يابن الناس بين الناس دواره
انا بنشدك يامشعل عن الي في زمانه ضاع=عسى ربعه لقوه وبينو فالمجتمع داره

[مشعل العطاوي]

زمان اليوم حطّ اليه في كبدي كويه ومرقاع=اذن الله يسهلها قدم لاتطرح الشاره
ماضاع النا مع اهل العرف والنوماس طول ذراع=لكنك لاتلوا في في دروبك والزم الطاره

آخر تعديل مشعل العطاوي يوم 11-Jun-2011 في 04:55 AM.

[محمد@الجعيد]

وش اسوي بواحد في زمانه صايرن ملتاع=ليا منه مشى قدام عود يلعب الداره
ختام الهرج عان البرج قدمك واعرف الميقاع=عسى ربي يبارك فيك وتعمر لك اعماره

[مشعل العطاوي]

ياربيّ جعل ترحم بندر بن سرور صلب الناع=عقب بندر دواوين العرب في جرف دحداره
تجمّل فالنهايه والله الله واحسن المطلاع=حذراي لاتشب النار عقب الخبز وكراره

آخر تعديل مشعل العطاوي يوم 11-Jun-2011 في 05:41 AM.

[محمد@الجعيد]

هههههههههههههههه

ليتك ماطلبت مني ان اختم المحاوره عشان اعطيك ردن يطيب خاطرك