يا ستار اكاديمـي .. ويـا سوبـر ستـار

[فتى الهيلا]

يا ستار اكاديمـي .. ويـا سوبـر ستـار

،،،،،،،،،،،،،،،،،،،،،،،،،،، ويـن الحيـا ضـاع الحـيـا والحمـيّـه



غـزو احتـلال الفكـر والفكـر محتـار

،،،،،،،،،،،،،،،،،،،،،،،،،، كيـف البشـر ترضـى بشـوف الدنـيّـه




غـزو احتـلال الفكـر بالتافـه انــذار

،،،،،،،،،،،،،،،،،،،،،،،،،، سـخـف ومنـاظـر مالـهـا قابـلـيّـه




افعـى تغلغـل بالفكـر سمـهـا ضــار

،،،،،،،،،،،،،،،،،،،،،،،،،، تـورد عقـول النـااس حـوض الرديّـه



كـل الشعـوب وفـي بعيـدات الاقطـار

،،،،،،،،،،،،،،،،،،،،،،،،،، قــدام هـالتلـفـاز صـبـح وعشـيّـه



عـزّي لرجـل ٍ هـل دمـعـه لبـشـار

،،،،،،،،،،،،،،،،،،،،،،،،،، يـوم اعلـن التلـفـاز سـوبـر عطـيّـه



(بديع)( ماري ) .. قمة السخـف والعـار

،،،،،،،،،،،،،،،،،،،،،،،،،، ( لاري ) تمـاري بـالـردى والخطـيّـه



( ميشيل ) مع ( بيتي ) .. ورقصات اليسار

،،،،،،،،،،،،،،،،،،،،،،،،،، شــي ٍ مخـطـط والقضـيـه قضـيّـه




( محمـد خـلاوي ) امتـلا كلـه غبـار

،،،،،،،،،،،،،،،،،،،،،،،،،، مـكـروه والله مــن تحـبـه غـبـيّـه



لا مـا يمثّـل جيـل وافيـيـن الاشـبـار

،،،،،،،،،،،،،،،،،،،،،،،،،، جـيـل الـوفـا والطـيـب والمقـدريّـه



عزّي لمجد ٍ طـاح فـي وجـه معصـار

،،،،،،،،،،،،،،،،،،،،،،،،،، وشبـت بوسـط القلـب نــار ٍ لظـيّـه



مـن قمـة المجـد لدهاليـز الاخـطـار

،،،،،،،،،،،،،،،،،،،،،،،،،،الله واكبـر .. وش بـقـى يــا بـريّـه



قالوا نجـوم .. إلا تيـوس ٍ بهـم صـار

،،،،،،،،،،،،،،،،،،،،،،،،،، مجـد العـرب مـا بيـن هــذه وذيّــه


لا ثـار بـارود التـحـدي والاصــرار

،،،،،،،،،،،،،،،،،،،،،،،،،، حنّـا عـذاب الخيـل فـي كــل هـيّـه



نبيـع مـا نمـلـك فــدى ديــن ٍ ودار

،،،،،،،،،،،،،،،،،،،،،،،،،، ودار تـبـقـى بـالـكـوادر غـنـيّــه



وحنّـا لنـا مجـد وحضـارات واخبـار


،،،،،،،،،،،،،،،،،،،،،،،،،، نمشـي علـى نـهـج الكـتـاب ونبـيّـه



غسيـل مـخ ولا رضـى دمنـا الـحـار

،،،،،،،،،،،،،،،،،،،،،،،،،، نتـبـع فـلـول الكـفـر والعنجـهـيّـه



انصح صغار السـن قبـل انصـح اكبـار

،،،،،،،،،،،،،،،،،،،،،،،،،، تكفـون لا نصـبـح لـلاغـراب نـيّـه



الحـق مـا يفنـى ليـا صـار لـه ثـار

،،،،،،،،،،،،،،،،،،،،،،،،،، لكـن يبـغـى لــه عـقـول ٍ ذكـيّـه



النهج .. نهـج المصطفـى سيـد الابـرار

،،،،،،،،،،،،،،،،،،،،،،،،،، والنفـس فـي درب المعـالـي جـريّـه



أمّـا نسـود الكـون بانـجـاز واذكــار

،،،،،،،،،،،،،،،،،،،،،،،،،، والاّ .. يـا جعـل الله يجـيـب المنـيّـه


للشاعر جزاء البقمي