صدام حسين وأحداث الخليج والذكريات

[وصل الشهيب]

أخواني هنا في هذه المنتديات الخصبه والثريه بتواجكم.منتديات

قبيلة عتيبه الهيلا

التاريخ يعيد نفسه والذكرى ناقوس يدق في عالم النسيان

وجدت في هذا القسم من المنتديات .قصيده للأخ الشاعر/عبدالرحمن العقيلي يرثي بها صدام .فاستعدت

الماضي ورجعت إلى الارشيف وأتيتكم بهذه القصيده المغايره لقصيدة الأخ عبدالرحمن العقيلي

كتبتها بمناسبة الدعوه الملكيه اللتي وجهها آنذاك

خادم الحرمين الشريفين الملك فهد بن عبدالعزيز رحمه الله وطيَب ثراه .عندما نادا بالتطوُع وفتح باب

القبول للسعوديين المدنيين الراغبين في مشاركة أخوانهم من القوات المسلحه.دفاعاً عن الدين والوطن

فكنت أحد المتطوعين

وإليكم القصيده

لبيه واجبنا لقايدنا نجيب=لالا لغيره .ولفهد منا .نعم
لبيه ياللي تحكم الراي المصيب=حكمت رايك يالمحنَك وانحكم
الرايه اللي حامله لإسم الحبيب=تعلو ونرفعها على روس القمم
بأقدس بلد.واعدل حكم.واوفر نصيب=تستشهد الأرواح دون أعلى علم
أجدادنا.عزَوه بالوقت العصيب=يوم السلاح السيف.والممشى قدم
وحنا.ورثنا العز والأصل العريب=وايضا الشهامه والشجاعه والكرم
وحنا بموطنا عمى عين الحريب=شعب اوحكومه.ذاابن خال اوذا ابن عم
غريب ياصدام كل أمرك غريب=بالدم عشيت المغدَي بالدسم
ماتعرف اتجازي هل الطيَب بطيب= قلبك صدا والوجه مطلي بالفحم
يالثعلب اللي ملتبس لك جلد ذيب=إنزاح عنك الجلد.والمكر إنفهم
منته بلاقي لك رعيَه في شعيب=غابه فهدها لو تجيه.إلك التهم
اليوم شمسك هيَفت صوب المغيب=واليوم جوف البحر مركبك إنحطم
يغضب عليك الله يالوجه الغضيب=أنته ومن يعبدك حطك له صنم
سفاح دمٍن َبالشباب وبالمشيب=عايش على الجيفات ياطير الرخم
كم من عراقي زوجته تنحب نحيب=وكم من غريراً من فعايلك إنيتم
كم من طفل يبكي على شرب الحليب=حيث الحليب أسباب صدام إنعدم
اليوم في وجهك علامات الشحيب=متوهَم اووهمان يامال الوهم
بالرافدين أشعلت نيران اللهيب=فاوت أهلها الفقر.يافال الندم
وياجابر.إستأسع لك الصدر الرحيب=محكَم المصحف وخدَام الحرم
قل حسبي الله الولي نعم الحسيب=تعشَم الخير.اوفهد فيه العشم
ينزاح عنك الظلم والخاطر يطيب=النصر قرَب منك والوقت إنحسم
وحنَا.على الميعاد نحضر مانغيب=مدافع الهاون.نغمها أحلا نغم
من دون شك أوريب للغادر.نريب=الكف سلَة سيف.والنظره سهم
ولبيييه واجبنا.لقادنا نجيب=لالا.لغيره.ولفهد منَا نــعم

وسلامتكم

آخر تعديل وصل الشهيب يوم 18-Nov-2010 في 01:38 AM.