فنون المحاوره ... العملاق رشيد الزلامي .. و شاعر خنذف محمد السناني

[فيصل بن فهد الجهني]

محاروه .. بين العمالقه .. رشيد الزلامي و شاعر خنذف محمد السناني

امتزجت بكامل فنون المحاوره .. من الالف الى الياء .. !!


طاروق يقدم نفسه بلا مقدمات ولا عبارات الثناء

رشيد الزلامي
بارك الله فيك يا محيي تراث اهل الجزيره ... الامير اللي بدا الفكره و بجهوده خدمها
سيدي ذخر الملوك اللي يقيدون المسيره ... الرجال اللي على رجم العلا رفرف علمها


محمدالسناني
بارك الله فيك يا رافع تراث بكل ديره ... القنوات حضرت له و الصحافه في قلمها
سيدي كان الزلامي جات فرصته الاخيره ... الحياه الفانيه تحتاج عود يحترمها


رشيد الزلامي
يا السناني ودنا نمشي على علم و بصيره ... ما نبي حاجه يصير وجودها كنه عدمها
انت ما شفت بدوي(ن) فالخلا يشعب بعيره ... وين رايح قال هذي خطوتي والله قسمها


محمد السناني
كان جاهز بالرجال و بالسلاح و بالذخيره ... الظبى حلل لحمها و العرب حرم لحمها
نعرفه بإسمه ولا ندري وش اللي في ضميره .. اترك البدوان ترعى ذودها ولا غنمها


رشيد الزلامي
والله اني قد نصحتك مير هقواتك كبيره ... كل ما شفت لك حيّه تدخل ايدينك بفمها
اترك الدرب القديم و روح لك مع درب غيره ... اعرف انك تلحس المره ولا تطعم طعمها


محمد السناني
لا تحسب اني سوات اللي تصيبه قشعريره ... المنايا ما تهز الراس لو يضرب سهمها
الدروب مخالطه و الارض كوره مستديره ... لا توقع تحترمك الناس حتى تحترمها


رشيد الزلامي
خلها بيني و بينك لا تبيَح بالسريره .... العرب من عصر يا شاطر مربطتن حزمها
وش عليا من شعيل ومن رغاه ومن هديره ... ما نبي نرحم جهينه كان ربي ما رحمها


محمد السناني
يا رشيد ان عويد(ن) محترم مامن كثيره ... و العرب ما ودها ذمتك تدخل مع ذممها
وش علينا من مغامر قوم يبحث عن مصيره ... المطيه ناشته في خفها مدري قدمها


رشيد الزلامي
ما عقلها غير شايب و انت في ساعه خطيره .... سلم العهده لزيد و بعد يومين استلمها
الدلع يبقى لروضه و الغنا مهنة سميره ... والمصارع مهنة الشجعان لو يسيل دمها


محمد السناني
شايب(ن) برقا و روق مريحينه في سريره ... شفت يا ابو زيد ما حصلت فرصه تغتنمها
الزلامي لو سمع روضه تزود من زفيره .. له ثلاث شهور يبني له علاقه و يهدمها