اثر هنيا من المطران ناس

[ناصر الشلاحي]

اثرك تنعس و معميك النعاس = ما تعرف اللي لكم و اللي لنا
و انا مطيري ولا فالقلب ياس = ان جات للهد ولا للبنا

[براك المهيدلي]

مسموح يالمقاطي


فيصل ثنا دون صعبين المراس
ياطيب راس المقاطي وان ثنا



ياطالب العلم ما للعلم راس
ركزت عود الثمامه و انثنا

[ناصر الشلاحي]

شقرك كيف يعني تشقر ابياتك على بعضها
وضح لي

[ناصر الشلاحي]

فيصل من المرجله يلبس لباس = و المرجله كنز للواحد غنا
العلم واضح ولا حوله لباس = و الشعر كلمات غنوها غنا

[براك المهيدلي]

ارحب ياناصر الشقر للمقاطي
وانت على راحتك


استلم


يا ناصر الوضع جا فيه التباس
مير احتزم بالمهند و القنا



ان قيل باس المطيري قلت باس
لكن يا راعي الباس القنا

[ناصر الشلاحي]

الذبذبه ما حصل فيها التماس = و لا فيه طرقه تعنبنا عنا
خلك عتيبي على خط التماس = اعنيك بالعلم غيرك ما عنا

[براك المهيدلي]

اذهب ولك فالحياه ان لا مساس
قدام نبلش بك و تبلش بنا



البيت ما يرفعه هدام ساس
من يهدم الساس عمره ما بنا

[فيصل المقااطي]

أنا أستسمحت منك يا الشيوخي في البداية ..

وحبيت أجاريك بس ..

وتحياتي لك و للشلاحي ..

واذا انت فاضي نبي نلعب معك شقر والبدع عندك

[براك المهيدلي]

المقاطي


اتشرف لكن نبيها في ليلتن مبروكه


النوم داهمنا مدري اكمل الطاروق هذا والا ارقد

[فيصل المقااطي]

لا والله لا ترقد يا الشيوخي ..


لا ترقد رد على المطاري ولا خلنا نلعب معه