فكاك النشب
معجب اللي شاب راسه في محله ماتحرك =نبطي وحنا غياب ونرجع ومعجب محله
ياحصاة ارزاح خيرك غاب واللي زاد شرك =والقضيه مثبته وشهودها ضمن الادله
معجب العتيبي
كل حر يصيد صيده كان ميقافك يسرك=والدليل مراقبك والدمع يوم انك تهله
ضلع راسي مايهزه نطحك وصوتك وحرك=وانت راعي هرج ماشفنا معك سيفٍ تسله
فكاك النشب
شرهة العاقل على اللي في طريقه يوم مرك =مالقاك مع النجوم ويحسب انك فالاهله
كان هذي هي نتيجة بحثك الله لايضرك =تستحق وسام هدوة صاحبٍ من صاحبله
معجب العتيبي
العمى معميه ربي ياعميلي لايغرك=لو يشوف رويس خشمه اضمن انه ماوصل له
الطريق اللي على غير اتجاه الحق جرك =للدروب اللي نهايتها هواجيس ومذله
فكاك النشب
جيت اباابرك جمال عقيل وازرت لاتبرك =عودت ترغي وفوق ظهورها مزهب ودله
من يفسر لي كلامي قلت له لله درك=وانت يامعجب كبير المعجبين وداعة الله
معجب العتيبي
جيت ابا اعلمك بالمطلوب وافزعلك وابرك=بس اشوفك تحسب ان العمر يابن الناس فلّه
دامها فبداية المشوار لاينباح سرك=لاتقول الحمل اشيله وانت عاجز لاتشله
04-Aug-2010, 01:23 AM
العرض العادي
