العازمي =
يامرحبا ترحيب غالي عد حيا للفلاح=ترحيبة العتبان بالعتبان هذا حلها!!
الاوله بيتين واللي عقبها سمٍّ ذحاح=عينٍ نراعيها وعينٍ بالخلال نخلها !!
سعود العصيمي =
دام البقا ردية تبـدي كمـا نـور الصبـاح=ردة وفاء مايختلف بين النشامـا دلهـا.!!!
واللي بعدها من هماج الجم والا من قـراح=نسق الضوامي لين تروى والدروب اندلها!!
العازمي =
امسك عصى موسى يابو طايل ماهوب قرين ضاح=واحكم بلادٍ يالعصيمي هيبتك كفولها!!
المد باليمنى الكريمه خير من مد الشحاح=قدام لانعطيك مضمون السوالف كلها!!
سعود العصيمي =
بعض العرب لوقلت له يرتاح عيا ماستراح=وانته قبل لاتحـدث الاحـداث لاتقبلهـا.
نبا نمدك باليمين ام الكـرم والشـر راح=وانته تجيب الطيبـه والطيبـه ماملهـا!!
العازمي =
الفضل لله ثمّ للي رجعو حكم الصباح=الشجرة اللي كلبونا تحت فية ظلها!!
الخارطه عندك وانا عندي على الجاي اقتراح=واليا قبلتو ماجهلنا دقها من جلها!!
سعود العصيمي =
الله يبارك فالرجال امعطرة علـط الرمـاح=و يحفظ شجرتنا ومن غر السحاب ابلهـا!
الفرق وشهو بين دكتور العظام من الجراح=ان كان تعرف حلها هيـا تهـي وحلهـا؟؟
العازمي =
حنا نعزك يالعصيمي مار مانبغا سماح=العد من دونه تهامي والسيوف ايسلها!!
زبدة كلامي راحت علومك ورى هوج الرياح=هبدت زارك عام والمنتوج ماتفطنلها!!
سعود العصيمي =
حنا بلشنا في حصاة ارزاح واتعبنا رزاح=ولا ّ التهامي لوبغينا ديرتـه نحتلهـا !!
هوج الرياح اللي تمره شالته لو كان طاح=وشلون عود خلفها ياصاح ياصاحلها!!!
ابو طلال
صح لسااانك
مليوون
وفرصة سعيدة يااستأذي
تصبح على خير انت والسامعين 
« آخـــر الـــمـــشـــاركــــات »
10-Jun-2010, 11:19 PM
العرض العادي
