معـــانـــاة زمن : مــارق والعطـــاوي شليويح

[أبونايف الروقي]

الســــــــــلام عليــكم ورحـمـة الله وبــركـاتـه

ياسعد عين اللي رقد ماتعنى= ولاسامر انجوم(ن) سواري سوابيح
وش هالسوايا كلها يازمنا = خمسة عشر عام(ن) وانا اقوم واطيح
وقطع الفرج ياوقت سلم(ن) لهنا = أهل المواقف مبعدين المشاويح
اندور الأرزاق منا ومنا = مر(ن) مع الغبشة ومر(ن) مراويح
ذيب الغداري بالكرا ماتهنا = يحداه عن لذات نومه سواميح
وفعولنا الجزلات من يوم كنا = من عصر مارق والعطاوي شليويح
اشيوخنا الوافين زبن المجنى = بعلط(ن) اتطوح روؤس الأخصام تطويح
والله لو اخاوي ذياب(ن) عونا = أخير من شوفة وجيه المشافيح
وسجه بدار افجوجها يبهجنا = قدام لاتركز علي الصلافيح
فيها نسج ونطرد الهم عنا = ونقضي بها الباقي على هبة الريح
يقوله اللي يوم هجرس وغنا = والمعذره يأهل الوجيه المفاليح