يستاهلون الحايل أهل العوايد .. قصة وقصيدة عن كرم الاساعدة

[عبدالكريم بن دايخ الزيادي]

انا اشهد انك يا مطلق سبع ولد سبع
وهذه علوم المرجلة والاخوة بين عتيبة

[علاي الحافي]

وسبعة انعام بمطلق الحداري والاساعده كافه ولاهنت على ايرادها

[الرويل الأول]

بيض الله وجهك اخوي
سيف الأساعده
وكفو بالأساعده عموم
والطيب لاهل الطيب مذخور

[اسعدي جده]

بيض الله وجهك اخوي السيف

[عبدالله الفهد الاسعدي]

المشاركة الأصلية كتبت بواسطة سيف الأساعدة

الســـــــلام عليكم ..


ذكر كبار السن أن الأساعده غزو ركب ليس بكثير ووفقهم الله وأخذو لهم أباعر وعادوا سالمين وعندما وصلوا إلى أهلهم قام مطلق الحداري (راعي الشوشلية ) بذبح ناقة طيبة من كسبه لربعه على شأنها سمينة وسنامها مردوم ، فشره عليه المقربين منه بما فيهم والده فهيد وقالوا له لونك ذبحت قعود ولا بكره ولا من الفطرّ بدل هذه الناقة الطيبة فقال هذه القصيدة :

يستاهلون الحايل أهل العوايد*=اللي لهم بالكون صيت وعزاوي
الفاطر اللي فوقها الشحم زايد=عيد لهلنا ما نبيبه طراوي
جتنا كسابه ما نبي له فوايد=يوم فكنا الله من عظام البلاوي
لحقو على جيش وخيلٍ هدايد=والكل منهم منتوينا مناوي
بيمانهم دهم سوات الجرايد=حسه كما ذيب بظلعٍ يعاوي
طمعوا بنا من قلنا فالمزايد=كلٍ يغني له نشيد وحداوي
من شافنا قفا ولا هوب عايد=أوجس عطيب الجرح ماله مداوي
ربعي هل الوقفات وأهل الشدايد=الرمي ما يزمي صوابه لقاوي
عبرودهم وقعه بوسط النهايد=واليازمى بالراس فيه متساوي
قول بلا فعل ولا له شهايد =مردود لونه روى فيه راوي
تنشد الروقه ولابه جحايد=غزايز كسبي مغب الغزاوي
وضح نقلدها فالأول قلايد =لاجنبو قناصها والنداوي
نقدم على حمايها والولايد =والعمر منا بايعينه هداوي
والعمر واحد ما يجدد جدايد=نكسب به النوماس ولا نعاوي

أهل العـــــوايد : هم الأساعدة ..فقد إشتهروا بالكرم وتناقل الناس قصصهم عن الجود والسخاء ، فمنهم بن عردان مثوثي على روس الفطّـــر .. ودغيليب بن خنيصر (خيال جبلة) .. ودغيم بن شافي اللي ضيفّ العرب اللي نزلوا عليه وهو طرقي (حيث شرى الذبيحة منهم وحطها في القدر ورحل عنهم ) .. ومن حاضرة الأســـاعدة عبدالرحمن بن احمد آل حمد والذي اشتهر بكرمه وجوده و قيل فيه المثلان المشهوران (أكرم من ابن روق ) (الحار عند ابن روق) .. وأيضاً بريك الأسعــــــدي راعي بقعاء والذي ذكره عدوان الهربيد الشمري في قصيدته المشهــــــورة :

وحطاب للي بالصحن ينفض الغيـد=وبريك محيي بالركـاب الهزالـي

سيف الأســــــــــاعدة

بيض الله وجهك على هذه القصة والابيات الجميله

اضافة بسيطة عبدالرحمن بن احمد بن عبدالرحمن بن علي بن فرهود بن صالح آل حمد

يعد رحمه الله أشهر أهل نجد في زمانه بالكرم .

وقد الف فيه الباحث التأريخي فهد بن عبدالعزيز الكليب كتاب يحتوي على 116صفحة

وقد اسماه

عبدالرحمن الفرهود
ابن روق
رجل الجود و منبع الكرم

تطرق الكاتب الى حياته وكرمه الحاتمي مستشهداً بالكثير من الوثائق واقوال معاصريه

تقبل مني اجمل تحيه

[ذيب الاساعدة]

انعم واكرم بالحدارى وجميع الاساعدة يرفعون الراس
[وأيضاً بريك الأسعــــــدي راعي بقعاء والذي ذكره عدوان الهربيد الشمري في قصيدته المشهــــــورة :

وحطاب للي بالصحن ينفض الغيـد=وبريك محيي بالركـاب الهزالـي

الامير الشيخ بــريك الاسعدي أشهر من نـار على علـم
طيب نخوة شجاعة كرم فروسية ...

[ألعتيبي فالح]

والنعم والله والسبعة انعام

لاهنت يالغالي