الصاطي=
الليل ياجلمود ابا سولف معك ونته حشيـم=اترك بعير اهل الشمال اللي ثوا في مبركـه
ان مت ياراع القصيم ان حط قبرك فالقصيم=وان مات راعي مدركه يدخل مقابر مدركه
الجلمود=
سولف وهات اللي على بالك ولاتشمت كريم=خلك رياضي والعلوم مصلحـه ومفبركـه
الارض للخالق مورّثها عبـاده مـن قديـم=والجنه الخضراء يدورها شهيـد المعركـه
الصاطي=
قلت لك قود القافله واعط الطريق المستقيم=لكن مدري عنك نعطيك الكـلام وتتركـه
متا تخيل ياسحاب الصيف ويهب النسيـم=لو اكثر لامطار مافيها على الارض بركـه
الجلمود=
انا رميتـك مرتيـن بطلقتيـن مـن البريـم=والثالثـه رديتهـا يـوم ان مافيـك حركـه
يمطر سحاب الصيف زين اليا نبت وادي عصيم=وان مانبت تلقى البلا في صدور ناسن مشركه
الصاطي=
رميك على راسك لدخانه نهار العيد غيـم=ويدينك الثنتين مربوطه وفالراس شركـه
مافيه مشكل يوم نشري ثوبن ابيض لليتيم=كفالة لايتـام ماتدخـل نظـام الجمركـه
رميك على راسك لدخانه نهار العيد غيـم
ويدينك الثنتين مربوطه وفالراس شركـه
مافيه مشكل يوم نشري ثوبن ابيض لليتيم
كفالة لايتـام ماتدخـل نظـام الجمركـه
طيب طيب