الليل ياجلمود ابا سولف معك ونته حشيم=اترك بعير اهل الشمال اللي ثوا في مبركه
ان مت ياراع القصيم ان حط قبرك فالقصيم=وان مات راعي مدركه يدخل مقابر مدركه

سولف وهات اللي على بالك ولاتشمت كريم=خلك رياضي والعلوم مصلحه ومفبركه
الارض للخالق مورّثها عباده من قديم=والجنه الخضراء يدورها شهيد المعركه

قلت لك قود القافله واعط الطريق المستقيم= لكن مدري عنك نعطيك الكلام وتتركه
متا تخيل ياسحاب الصيف ويهب النسيم= لو اكثر لامطار مافيها على الارض بركه

انا رميتك مرتين بطلقتين من البريم=والثالثه رديتها يوم ان مافيك حركه
يمطر سحاب الصيف زين اليا نبت وادي عصيم=وان مانبت تلقى البلا في صدور ناسن مشركه