وادي المحاني شرق الطراه ,, علي العضياني !!!

[علي فلاح العضياني]

الله الله

المتّهم مدَان حتّى يستلم صكّ البراه=ياللي تخطّط ديرة الروقه تبا تحتلّها
في ما مضى و اليوم يا أهل الزاد يا مال الغناه=عساه يغنيكم و يبّاس الكبود يبلّها

التوقيع

(( رأس الحكمه مخافة الله ))

[محمد بن رشيد]

طيب طيب



يبرى البري والمتهم فالمحكمه ياخذ جزاه
,,,,,,,,,,, لي غايةٍ منته بقادر ياعلي تاصلّها !!


انا مافك الشاعر الا لين يرفع لي يداه
,,,,,,,,,,,, وان شفت فيه وفيه خليت الدموع ايهلّها !!!

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com

آخر تعديل محمد بن رشيد يوم 01-Apr-2010 في 12:22 PM.

[علي فلاح العضياني]

ياللي ضميرك مات لو إنّه على قيد الحياه=و الله ما تشقح حدودك يمّنا و تزلّها
كلمتك هذي يا محمد ما تشدّ الانتباه=ما أنته بنجم ليا نزل فوق الجبال يهلّها

[محمد بن رشيد]

طيب طيب


المزحمي علم الحقيقه ياعتيبه مايباه
,,,,,,,,,,,,,,,,,,,,,, اتتلّه احبال المشاكل من ضحى وايتلّها !!


والله للانا مستحين ولانبا نقضي علاه
,,,,,,,,,,,,,,,,,, والا لنحده لين مزحم كلها يرسلّها !!!

[علي فلاح العضياني]

الله الله

علي يعرف الحقّ ما يتبع بليس و لا هواه =اللي تطبّلّه ذوي زراق و يطبّلّها
العنصريه ما زرعها غير أبو مالك هذاه= حنا ما حنّا قوم خلّ العنصريه خلّها

[قنوع النفس]

لاهنتم يافطالحة الشعر طاوق ناري استمتعنا ودمتم

[عيد بن مرضي]

الله الله


محمد و علي


صحت الآلسن


طارووق رائع ... متابع

[محمد بن رشيد]

طيب طيب


اجل وراك اتواذي اللي مستقلٍ ٍ في قراه
,,,,,,,,,,,,,,,,,,,,, اللي عيون القوم عنكم بالخلال ايخلّها


راع الخطا ياربعنا ينشب لسانه في جماه
,,,,,,,,,,,,,,,,,,,, حتى حلول المشكله عنده مايوجد حلها !!!

[محمد بن رشيد]

صح لسااااانكـ ,, يبو فلاااح


والختام عندكــــــــــ



لاهنت

[علي فلاح العضياني]

الموذي اللي في طريق المسلم يدفّ الحصاه=حنا الرجال اللي نهين أخصامكم و نذلّها
ترى الطهاره تعتبر شرطٍ من شروط الصلاه=تطهّر و صلّ الفريضه يا محمد صلّها