بادي المراقيب
سلام رديه عدد وبل المطر =تحي الديار الي المعسس عسها
يامعجب الليله معي علم وخبر = وشمس الحقيقه من يغطي شمسها
معجب العتيبي
يامرحبا ترحب يكتب في سطر=بالصاحب اللي كلمته مامسها
حلو السوالف هاتها وش تنتظر=والثانيه لامن طرت لك دسها
بادي المراقيب
انته صلاتك كلها جمع وقصر = ونته مقيم ولايغرك لبسها
صاحبك غاديله ذهيبه ياعمر = في داركم مدر ي من لي لسها
معجب العتيبي
انا على السنه ولافيني بطر=وانت الحقيقه ماتبا الا عفسها
ضيعتها في صبح ولا في عصر=على حدا الصفين عجل رسّها
بادي المراقيب
الماء عن الضميان من دسه كفر = يالي تبي محي لآثار ودرسها
ضيعتها في دار فيها أميئة جخر = ماعاد نعرف فارها من بسها
معجب العتيبي
الثانيه سميتها وجهة نظر=والاوله مماطرالك حسها
دورلها عند البدو قبل الحضر=وانشد فصيح القوم واترك خرسها
بادي المراقيب
الاوله جاتك على بطن وظهر = والثانيه انت السبب في دمسها
أزريت في البدوان عميان البصر = أخذوا الحضارة ياعميلي بنكسها
معجب العتيبي
اختلفت الاريا ولا به معتبر=والشاذليه ريحها من حمسها
تبغ العذر لكن ترا م من عذر=طعني على شاط الحقيقه رسها
« آخـــر الـــمـــشـــاركــــات »
29-Mar-2010, 09:57 AM
العرض المتطور
