مكساب هل العمهوج في راس طالب // الدجيماء ..

[حسن إبراهيم الدجيماء]

ارررحب ياسعود البرقاااوي ..

يالله حيه .. انت وينك فيه ؟؟؟

صح بدنك .. ومشكوور على المرور ..

متابعتك نوماااس ..!!

[سعود البرقاوي]

موجود الله يحفظك ويرفع قدرك
وشرفتني بسؤالك

لكن الاشغال احياناً تقف عائق دون مواصل الاحباب شرواكم

شكرا لك يالامير

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[حسن إبراهيم الدجيماء]

حياك الله مره ثانية ..

ولك وحشة والله ..

عساها اخر الغيبات ان شاء الله ..!!!

[فهد الشيباني]

العذر على التأخير .. لأداء الصلاه ..

ترى المنهج اللي تنهجه منهجن عام = ولا فاد راع القلب كثر المقالب
ترى من يسوم بنقص لاشك ماسام = وصب الحديد يجيك قالب وقالب

التوقيع

.. ارسم لنفسك حدود الخطوه المنظومه واحذر احذر لاتزل اقدامك وتاكلها الحياه الفانيه في ناظري معدومه كان ماحددت قمه للهدف تاصلها

[فهد الشيباني]

سعود البرقاوي ..

متابعتك مكسب لنا .. واحبك الله الذي احببتنا فيه ..

لاعدمناك ...

[حسن إبراهيم الدجيماء]

مافيه مشاكل :

اشوف ابن مشيب عايش اوهام واحلام = ولايدري انه ضمن طرح المكالب
على جودة السلعه يزيدنّ الارقام = ولاتبخص التجار حق الغوالب

[فهد الشيباني]

ابن مشيب يكسر بشلفاه الاصنام = وغير الاجر يا ناس ماهو بطالب
ترى عيشة البسه على يد خدام = يجيها لحم ولا شوية معالب

آخر تعديل فهد الشيباني يوم 15-Mar-2010 في 11:15 AM.

[عيد العازمي]

الله


شبل شيبان


الدجيماء



ياجعلكم فالوجود


وصحت السنتكم

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[فهد الشيباني]

العازمي صح بدنك ..

لاعدمناك يالذيب ..

مرورك يزيدنا فخر ....

[حسن إبراهيم الدجيماء]

طيب طيب :

ليا صرت ابن سحمان ابا ابصم بالابهام = لَكَنّ اله قالب زين وانت الك قالب
ترا الرزق قسّمه الولي صنف واقسام = ولا احدٍ بسارق رزق غيره وسالب