أخص رائد بأول الطابور

[*النجـــــم*]

طالع بعينك فوق شوف النور=النجم عانه شوف الأعياني
عانه على راسك يمين يدور=ما يلحقه مري وقحطاني

[رائد الكيرعاني القحطاني]

يركبك حقّ ماهو بمنظور=وشلون ارحبّك وتبلاني؟
البكره اللي تتبع المقهور=هذي ترا موضوعها ثاني

[*النجـــــم*]

لا تكشف اللي بيننا مستور=إن كان جالك شيء ماجاني
البكرة اللي ساقها المطيور=ماهي حلالي يالقويماني

[رائد الكيرعاني القحطاني]

يا طيب قلب الشاعر المسرور=يجاهد الجيش المريكاني
حذرا تخلّيها وعد بلفور=وانا اعرفك يا نجم قوماني

[*النجـــــم*]

دام الذهب في كيسكم مصرور=لا تشتحن وأنت الكريعاني
لا تزن فوق العش يا دبور=يا مسلم (ن)منته بنصراني

[حسن إبراهيم الدجيماء]

النجم ..!!!
لا تكشف اللي بيننا مستور ** إن كان جالك شيء ماجاني

الكيرعاني ..!!
يا طيب قلب الشاعر المسرور ** يجاهد الجيش المريكاني

كلام ..

صحت الالسن والقلوب ..

لازال الحذر قائمًا ..!!!

[رائد الكيرعاني القحطاني]

صح لسانك يالنجم


تشرفت باللعب معك


والنوم سلطان


تصبح على خير