عوى ذيب خشرم في رفيع الحجا المنقاد ( جديد عبدالله ابن عون)

[فتى الظهران]

بيوت صداها كل ما ينتهي ينعاد=هماليل ديم دافق رافق وبله
من الشاعرين اللي على المنهج المعتاد=بيوت مهيب بيوتهم ويش تكتب له
الا وحيت بيت الأكلبي والا ابن عباد=اقول الذلول بلا كذا ويش تشعب له
من الناس من يركب ذلوله بدون شداد=ولا هوب وياالفوز لو كان يتعب له
عوى ذيب خشرم في رفيع الحجا المنقاد=بعد سمع ذيب في قرى الكور يقنب له
علاج عوى الذيبين للحاضره والباد=وشفا للكبود اللي من الشعر مندبله
على مسمعي دايم بيوت الثنين جداد=كما نوج دهن الهود للي يقرب له
شعتهم هجينيات ابن عون والمسناد=وكل من الاثنين وده يوجب له
سلامي وشكري كل ماهبت الأنواد=على من كلامه زين الأمثال يضرب له

عبدالله بن نايف بن عون