عطالله السعيدي
ياسلام الله برديه مع اولها ذخيره = وان سلم منها الثبيتي ماسلم منها الزلامي
فواز السعيدي
قوم ياسلطان دقّ الّك من الراس اتعميره = فيه علمٍ ينتف الحجّان ويهز العظامي
رشيد الزلامي
مرحبا وانته تريد الاوله ولا الاخيره=مار مدري كيف جمّعت الذخيره والسلامي
سلطان المنصوري
يالهذيلي لاتقرّب للرحاه المستديره = وانت باقيلك على ريع الوفا عشرين عامي
عطالله السعيدي
العن الشيطان واسمعني عسى فالامر خيره = الحقيقه بيّنه والكشف عندي بالاسامي
فواز السعيدي
انتبه للسيف الاملح قبل يظهر من جفيره = وان ظهر سيف المشاكل قصّ قفلك واللحامي
رشيد الزلامي
بيننا ملحٍ وزاد وبيننا رفقه وجيره =لاتهقوى السرق لين انك تصير اكبر حرامي
سلطان المنصوري
وش يسوي سيفكم لاجاتك الخيل المغيره = يابعيرٍ شايفينك لاشداد ولاخطامي
عطالله السعيدي
الحقيقه ياوسيع المعرفه سيرتك سيره =علّمونااللي يجيبون السوالف والعلامي
فواز السعيدي
الثبيتي يوم جينا ماسمعنا الاّ صفيره =يحسب انّه يخدع العقّال بالفلم الدرامي
رشيد الزلامي
السعيدي ركّب البوري على غارب بعيره = قال يالله دقّ بوري قال حطّه في سنامي
سلطان المنصوري
الثبيتي في حراكم يالهذيلي دقّ زيره = اصبرو للدّقدقه ولا على الدنيا السلامي
عطالله السعيدي
انتبه للماس قبل تولّع سلوك الظفيره= ثم يلذعكم قوي الماس حتى من حزامي
فواز السعيدي
لو نبا كشف الخفا ندخل علاكم فالحظيره =مار خلّ ابو جميل يصير من دونك محامي
« آخـــر الـــمـــشـــاركــــات »
24-Jan-2010, 10:38 PM
عطالله السعيدي..فواز السعيدي .. رشيد الزلامي ..سلطان المنصوري ... رائعه وقوية ..
العرض الشجري