قصيدة الخطية لـ الشاعر/ حبيب العازمي

[خلف الروقي]

المشاركة الأصلية كتبت بواسطة طلال ناشي

خلف لاهنت على النقل الأكثر من رائع


- بعد أن سمعت هذه القصيده قبل تقريباً 3 سنوات

وكانت بصوت الشاعر عبدالعزيز العازمي إتصلت بحبيب شخصياً


وسئلته عنها فقال لي أنها ليست له بل لإبن عم الشاعر عبدالعزيز أو أحد أقربائه


ويدعى إن لم تخني الذاكره ( عبدالهادي أو من هذا القبيل ) تقبل تحياتي وتعليقي وشكراً .....

اخوي طلال ناشيء


أنا سألت عن القصيدة وطلعت الابيات هذه للشاعر حبيب العازمي

سامح الله من قصدني واعتمدنـي بالخطيـه

.. .. .. .. .. من قريبين الجدود ومن بعيديـن الجـدودي

دايـمٍ مايفلـح اللـي غيّـر النيـه بنـيـه

.. .. .. .. .. والخطيه كان ماتنقص تراهـا ماتـزودي

خابر انك ماتـروح بعيـد يـاراع الرديـه

.. .. .. .. .. لو مشيت الفين كيلو ماتعديت الحـدودي

انـت طرقـيٍ معنّـى لاشـداد ولا مطيـه

.. .. .. .. .. لا انت فتال العقود ولا انت حلال العقـودي

لو تحّزم بالرصاص ولـو نقلـت البندقيـه

.. .. .. .. .. الرصاص يذل والبندق تذل مع الشـرودي

هبّ وانا راعـي العشـوا وخيّـال العبيـه

.. .. .. .. .. كيف يارخو العضود تضد مفتول العضودي

والله انـي لا كليـل ولاذليـل ولاعلـيـه

.. .. .. .. .. مير احسب لي علومٍ مابقي منهـا وجـودي

احسب حساب الرفاقـه والمـروه والحميـه

.. .. .. .. .. حشمة للطيبين اللـي بعضهـم فاللحـودي

نظرتي فالطيبيـن ونظـرة الحسـاد فيـه

.. .. .. .. .. كلها نظرة حسد والعود في عين الحسـودي

والله اني ما ادعيـت بحجّـةٍ ماهيـب ليـه

.. .. .. .. .. حجتي ما تنجحد واللي جحدها من شهـودي

خافوا الله يالقضاه اللـي تعرفـون القضيـه

.. .. .. .. .. الصحيح يسود والباطل مصيره مايسـودي

والقصيدة لها قصة وموقف مع شاعرها


وباقي القصيدة ليس لي به علم هل هي لحبيب او مضافة لها



تحــــــيتي

[مشاري الحبردي]

صح لسان الشبح

لاهنت

[احمد منير الواصل]

صح لسان الشبح ابوفيصل ويعطيك العافيه اخوي خلف
بس حبيت اقول وين موقع اليوتوب في في المربع اللي فوق ابي انزل مقطع يوتوب
وشكرآآآآآآآآ لك .

[خلف الروقي]

شكر جزيلا لمروركم الرايع

بس حبيت اقول وين موقع اليوتوب في في المربع اللي فوق ابي انزل مقطع يوتوب
وشكرآآآآآآآآ لك .

مدري كيف يابو منير

بس نزل الرابط هنا