هروب تركي 2000!!!!!

[شمروخ ابن عايد]

كلاً يجر النار لقرصه

على مايقولون الحضر .






تركي والدغيلبي مستواهم متقارب , يتقنون اللعب الواضح , إما المعاني العميقة والبيوت الجزلة يفتح الله .









إما تفسيري للحادثة فإن الشللية معروفة من قديم في ساحة شعر المحاورة , وكانت هناك قوا ئم سوداء , وشعراء لايقابلون بعضهم , ويشترطون عدم حضور فلان وفلان , ويعقدون نوع من الاتفاق بعزيمة بعضهم عند اي حفلة لقبيلة شاعر منهم , ولو عزم شاعر منهم مع غيرهم يزعلون منه شلته ويعلمون انه خرق الاتفاق .



تركي مسوي اتفاقية مع ملفي المورقي وفهد العازمي مع عتيبه يعني تبون يالمطران شعراء من عتيبة عندي ملفي وفهد العازمي والا مافيه شعراء غيرهم من عتيبة , ومسوين اتفاق مع هذيل وشاعرهم القارحي , هؤلاء الشعراء الأربعة مسوين تحالف , واذا عزم ملفي المورقي أو فهد العازمي عند عتبان قالوا ماعندنا ياراع الحفلة الا تركي 2000 تبغونه والا مافيه شعراء مطران , ومثلهم القارحي اذا عزم عند هذيل يعزم زملاه من مطير وعتيبه .


في حالة يسمحون بشعراء من خارج تحالفهم بشرط ان لايكونوا ضمن القوائم السوداء , يعني شعراء مقبولين منهم , أعتقد أنهم لايمانعون بحضور مستور من عتيبه وكذلك محمد السناني من جهينه وابن عتقان من سليم والمسعودي من هذيل , وزيد من مطير , وغيرهم الكثير ......الخ .






وهذا الأمر كان معروف سابقاً ويذكرنا بتحالفات مستور وحبيب وصياف , ومثلها بين العير وابن شايق والمورقي ...................الخ .







الدغيلبي الربع مسوينه في القائمة السوداء قد يكون نوع من التنافسية بين شعراء عتيبه أو عدم رضاء من بعض شعراء التحالف .



وكما فهمت من الموضوع أن تركي 2000 ذكر لصاحب الحفل أنه لايقبل حضور الدغيلبي ربما لم يصرح , واعتقد انه حدد أنه لايقبل الا حضور المورقي من عتيبه , وعدم حضور القارحي قد يكون بسبب علمه بإن صاحب الحفلة عزم الدغيلبي .









وكم هي بغيضة هذه الشلليلة وكم ظلمت شعراء مبدعين جداً ولايقارنون بمن يحاربهم بمثل هذه الأساليب , وبالطبع لا اقصد الدغيلبي حتى لو كان محارب فإنه يجد في قناة الساحة منبر دائم للظهور .

آخر تعديل شمروخ ابن عايد يوم 23-Nov-2009 في 07:30 PM.

[عبدالله المطرفي الهذلي]

من حق تركي يرفض اللعب مع سفر ومن حق أي شاعر يرفض اللعب مع أي شاعر آخر بس بعد مايوصل للحفل ويدري أن خصيمه موجود ويمشي هذي شينة بحقه وأنا لا أقصد تركي بعينه لأن لم ياتي أحد يثبت حضور تركي للحفل وظهوره من الحفل .

أما من ناحية مستوى الشاعرين أنا أرى تركي أفضل من سفر في التدفق الشعري وأفضل في تركيب البيت وانتقائه للألفاظ أما سفر أغلب بيوته من ظاهرها (مفخفخه) أما الأثنين من ناحية اللعب على المعاني العميقه وقوة الحجه والخصمه كلهم حول بعض على قول المثل ( ياقرب سعيد من مبارك ) وجهة نظر .

[ابو فايح]

المشاركة الأصلية كتبت بواسطة عبدالله المطرفي الهذلي

من حق تركي يرفض اللعب مع سفر ومن حق أي شاعر يرفض اللعب مع أي شاعر آخر بس بعد مايوصل للحفل ويدري أن خصيمه موجود ويمشي هذي شينة بحقه وأنا لا أقصد تركي بعينه لأن لم ياتي أحد يثبت حضور تركي للحفل وظهوره من الحفل .

.

يا اخ عبدالله تركي حضر الى باب القاعه كلام مثبوت

وطبعا مثل ما قلت هذي شينه ولا لها داعي

مثل ما ان القارحي لم يكن معزوم في جده ولا هم يحزنون

التوقيع

عالم تويتر abofayeh@

[خوي الرجال]

من رأيي حذف الموضوع

[شمروخ ابن عايد]

وتعقيب اخير لو تتبعنا مثل هذه الحوادث سنتعب .




لأنأغلب الشعراء يرفضون مقابلة المرحوم خليف ابن دواس ( لاداعي للتبرير ) لأننا ممكن نفسرها جبن وخوف عن الللقاء بل هو الصحيح .




وكذلك حبيب وهو شاعر مميز يرفض مقابلة ابن شايق فهل هنا نقول خوف وجبن ام نجد لها تبرير آخر , وكذلك يرفض مقابلة الرياحي .



والسناني والرياحي والدغيلبي والهاجري وغيرهم يرفضون مقابلة الشاعر المميز سوار الذهب , فبماذا نفسر تلك الامور .









يااخوان لاتقولون جاء للحفل وراح , لأن رفض اللقاء حتى والشاعر موجود تحسب أيضاً , وحتى أكبر منها أن يطلبك الشاعر وترفض القيام للرد عليه , وما أكثر ماتحدث .





أنا لا أدافع عن احد لكن أقول قليل من الانصاف يالربع .





والأمر فقط شليلية ومحاربة شعراء لبعضهم وأنتم تعلمون مابين المورقي والدغيلبي , وكذلك مابين الدغيلبي وحبيب , هي حرب خفية وشلل تدار من تحت الطاولة , ربما بسبب استغلال قنوات فضائية معينة , والمستفيد في الأخير من يسيطر على اغلب الحفلات .


ويقال أن المورقي داعية له امه , ووفق كثيراً في هذا التحالف واستفاد من جماهيرية تركي 2000 , والله هو الرازق ولانحسد احد , والرياحي قبله رغم ان الرياحي من أكبر شعراء الرد , لكن الجماهيرية شئ آخر , وقد استفاد ايضاً من تواجده مع تركي 2000 .

[العقص]

مسـألة هروب تركي ممكن ان تكون صحيحة


وهذي الصراحـة شينـه بحقه


لكن بصراحة هروبه خوف من سفر هذي محد يصدقهـا .. ! !


اعتقد ان المسـألة كان فيها سوء تفاهم بين اهل الحفل وتركي


يمكن تركي اشترط عليهم مايجيبون سفر ( وهذي اعتقد كل الشعار يسوونها مع بعض ولاهي غريبة )


وجاء تركي ولقاء سفر و زعل الرجال من صاحب الحفل وطلع معبرا عن غضبه


وارجع اقول هذا مهو مبرر لتركي انه يطلع بالشكل هذا

[ابو ســاره]

اشغلتونا بتركي 2000


الرياحي هو الوحيد اللي له الفضل بعد الله في خروج تركي 2000 وهذا كلام تركي 2000 في القناه

وصدقوني ما احد مستفيد من تركي 2000 الا المورقي


ما احد ينكر ان تركي شاعر لاكن سفر الدغيلبي اقوى منه بكثير


كل واحد له وجة نظر وصاحب الموضوع يبغى يعلمكم عن سالم ابن شعيل اللي اول مره اسمع عنه وانه شاعر .. والخ والظاهر انه صاحب الموضوع تورط وأساء له

[ابورازن فالمريخ]

صح منطوقك يابوفايح وتراك تنفخ بقربه مشقوقه

[ابو هايل]

هلا بك يالهذلي

واذا ممكن تعطيني رقم التصويت للشاعر / سالم بن شعيل المطرفي الهذلي لكي نرشحه بعد الحملة

الدعائية اللي وضعتها للشاعر / سالم بن شعيل المطرفي الهذلي بعدين لازم ننقش ابيات

الشاعر / سالم بن شعيل المطرفي الهذلي على جدار هذيل لاجل الاجيال الهذليه لاتنسى

الشاعر / سالم بن شعيل المطرفي الهذلي لكن احذروا ان يقدسوا الشاعر / سالم بن شعيل المطرفي الهذلي ( يازين النسخ واللصق )

مثل الاجيال الحالية اللي قدست المسعودي رحمه الله

[عااازف]

يالمطرفي انت كاتب الموضوع عشان تسوي دعاية لشعاركم

اللي ما احد يعرفهم.. الا انت

ولا همك تركي ولا سفر,,


لكن ترى الشاعر اذا هو قوووي بيطلع غصب عني وعنك،،

وبننتظر الايام الجاية يطلعون شعارك او لا:d