انا إلي وجهة نظر عن بعض راعين الوسام = والمملكه لازم تعيد احسابها وانظارها \ ابولمار

[ابو لمار]

حنّا ماغرّينا الوفا في حرب ولا في سلام = لكن هذي جات لك من غير ماتختارها
افرح شويه بعد حظك مع رجال العرف قام = العام ضمن اصغارها واليوم ضمن اكبارها

[عقاب العنزي]

الله ُ اكبر يالعلوم اللي تجينا شرق شام = نضحك على ميرادها نضحك على مصدارها
تتهم رجال المعرفه وانته عليك الاتهام = حنا الرجال اللي تطول ولاتبيح اسرارها

[ابو لمار]

اعلومكم سهله وعندي مالها ربع اهتمام = اعلومكم ياهونها بطوالها واقصارها
تبا تبيح اسراركم اليا نوينا الانتقام = اخترت طرقه ياعقاب ايطول بك مشوارها

[عقاب العنزي]

المشكله بالهينه ماعطيتها بعض احترام = ولا ّ العلوم الثانيه لاتكشفون استارها
انا متولم للمهمه فالذخيره والحزام = حفرتك وش تبعد من الامتار ياحفّارها !!

[ابو لمار]

يمكن من الفرحه عيونك ماتهنّا بالمنام = تستاهل الطيّب من ارجال" طوال اشبارها
ابغاك جاهز لين احطلك القلاده والزمام = حتى سلعنا الغاليه ماترخصون اسعارها

[ابو لمار]

عقاب

صح لسانك وبيّض الله وجهك

شرفتني بهذا الطاروق


استفدت واستمعت



تصبح على خير

[عقاب العنزي]

ههههههههههه


صح لسانك ولاهنت يابو لمار وتشرفت باللعب معك كثيرا

وتبقى من الشعراء المفضلين عندي بلا مجامله


تقديري