سعود البرقاوي اذا عندك وقت...

[رفيع المنزل]

الملاعب عقب ماجد عساها للدمار = مار غرتنا الصحافه بكثر البلبله
كان زندك يابن الاجواد مايقدح شرار = لاتطبل للخطا مثل ناس مطبله

[سعود البرقاوي]

طيب طيب

لد عينك ياولد من يمين ومن يسار = العدد دوبه كمل مايبا له تكمله
راسم الخطة رسمها ورى حيد الستار = واكشتفناها بعد ماتضحى في هله

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[رعد الروقي]

السفن تصتدها الريح في عرض البحار
مار يالله تدحر الظلـم واللـي يفعلـه



ملعب النادي يطبق نظام الاحتكار
ماهو بملزوم في كل لاعب يقبله



الله الله


رفيع // سعود


صحت السنتكم مدد


متابعين معكم

[رفيع المنزل]

الموقر عندنا له محل وله وقار = لكن المعثور ياسعود كيف تجمله
راعي الخطة ورا ماينفذها جهار = قبل مانقرا عليه الفلق والزلزله

[رفيع المنزل]

حياك الله يالعمده

وجودك يشرف

[سعود البرقاوي]

بارك الله فيك والا فالاسم المستعار = العلوم مصلحة وانت راع الاولة
افضحته الشمس في ظرف ساعة من نهار = وانتهت والباقية فالليال المقبلة

[رفيع المنزل]

الجبل في موقعه والقمر وسط المدار = مار تبغى تصعب العلم والا تسهله
لانزال نطالبك بعد طال الانتظار = بس جاوبنا على واحد من الاسئله

[سعود البرقاوي]

الجبل يمكن معرّض لهزه وانفجار = القنابل جاء لها في جنوبه جلجله
يارفيع المنزل اقبل جزيل الاعتذار = ودي اجاوبك واخاف تصبح مشكله

[سعود البرقاوي]

ارررررررررررررررررررحب يالعمدة اررررررررررررررررحب

[رفيع المنزل]

اعقد الهدنه معي قبل مااعلن بالحصار = ثم برقا تعتزي روق عند المعضله
انت مثلك مايحسب طوال ولاقصار = مار بان النور والبير عكر منهله