عيضة الثبيتي
يامرحبا والرحب مطلاعه من الصدر الرحيب=ينصى رجال" ماتضيع مع الرجال حقوقها
يازبن لا تشكي ظروفك للبعيد و للغريب=لن كان في صدرك دعاوي للنشاما سوقها
زبن القاضي
دام البقاء والجود فاهل الجود دايم مايغيب=اللي توفى تحت الارض موصي اللي فوقها
ياليتها عند البعيد ولاتبتلشنا فالقريب=حتى يدين الناس ماترجع تخم حلوقها
عيضة الثبيتي
قدام تطلع للجبل لازم تمر مع الشعيب=وأحسب حسابك والحلاوه والمراره ذوقها
وأنته تفكر يازبن فالذيب ولا فالذهيب=ولا تفكر فالمزون اللي تلوح بروقها
زبن القاضي
وجه الكريم اقدره لو ادرق فيه الغضيب=واللي يبوق اهل الوفاء قله لاعاد يبوقها
حنا نفكر يالثبيتي نجزي الطيب بطيب=ولا بروق الصيف تبرق والهبوب تسوقها
عيضة الثبيتي
الأوله تمر وعسل.. والثانيه سمن وحليب = والثالثه كبدك لا يجمد دمها فعروقها
مادام تشكي من جروح ..أعرض جروحك للطبيب = ماللجروح الا الطبيب اللي يخيط فتوقها
زبن القاضي
الاوله والثانيه والثالثه تفدى الصحيب=والرابعه لو تنبت الشجره تحت عذوقها
ان كان ياعيضه تقول انك على المنبر خطيب=حدد غروب الشمس حتى انك تعرف اشروقها
عيضة الثبيتي
ياتاجر الأسهم مقادير الزمن حظ و نصيب=ماحدا" جبرك تقابل الأسهم وتدخل سوقها
وأللي يضيع له خروف ..ويدعي له فوق ذيب=عساه عند الحيه اللي سمها فشدوقها
زبن القاضي
على اسم سوق المال الاول كان ضني مايخيب=واثر العرب نياتها ماهي على منطوقها
يومن مطلق كان عايش ماينادونه شبيب= خل الدعا للي مدامعها تغطي موقها
عيضه الثبيتي
مافيه علم" مايحل..ولاش طرق" مايشيب=ومحاورتنا دوب بان الشيب في طاروقها
حنا رجال ثبيت ونخلص طليب" من طليب=واعوق كف" ماتمد الوافيه واعوقها
زبن القاضي
العاقل اللي يسمع العلم الحقيقي يستصيب=والجاهل اللي ينتظرها تنكفي ويحوقها
نعرف رجال ثبيت بالذات انت ماالحقك ريب=واللي تحاذف بالحصى بكره تبين فلوقها
« آخـــر الـــمـــشـــاركــــات »
28-Oct-2008, 02:32 AM
العرض المتطور
