مشاري الكرشمي
يامرحبا والليله المعنى غريم وجه ذيب=اقلط يافواز وتمثّل والسبور اصحالها
مرزوق حمدان العتيبي
يابو لمار اكرب حزامك ياعسى حظك يطيب = واعرف ترى ياصاحبي للكايدات ارجالها
فواز السعيدي
بقا بقا ياصحابنا والذيب في وسط القليب = والفزعة المتوخّره فال الله ولا فالها !!
ابو لمار
ياصاحبي مرزوق انا شايف تصرفك الغريب = ماللثقيله ياعميل الخير غير اجمالها
مشاري الكرشمي
ياهل اليتيم الله يجملكم بعد ضاع الذهيب=واللي ماتخلصلك طلب خسران لو تسعالها
مرزوق حمدان العتيبي
انته عيونك ماتشوف الخير لوانه صبيب= اترك علوم ٍ ماتزيدك خير يانقالها
فواز السعيدي
ماضاع لي حاجه وادوس الرّاي بالرّاس الصليب = انته من الذّيره علاقتنا قصبت احبالها !!
ابو لمار
يوم اجتمعتوا ياوسيع العرف في جوف الشعيب=جتني علومك كلهـا ياللـي جحـدت افعالهـا
مشاري الكرشمي
في ايدك مفاتيح القصور وكل يوم ولك طليب=والظاهر ان ام الكباير ضمتك لعيالها
مرزوق حمدان العتيبي
اثرك رجلٍِ مشغل ٍ بالك وفالحلم الرهيب=اتلد عينك فالنجوم وطمعتك منزالها
فواز السعيدي
الوقت قاسي والزّمان اللّي يودّي ما يجيب = مار الحجاز ان دار وقتك ماتموت ابطالها !!
ابو لمار
الد عيني في مكاني والله لخلقه رقيب = لكن مدّ الوافيه لاهل الوفا ورجالها
مشاري الكرشمي
سيد الادله باعترافه سجلوه امر(ن) عجيب=فصلت ثوبه واعترف والخيل من خيالها
مرزوق حمدان العتيبي
حنا ترى مداتنا يشهد لها الوقت الصعيب = يوم ان بعض الناس ماينقص رصيد اموالها
فواز السعيدي
امّا انت مقطوع الرّجا ولاّ انت مقطوع النّصيب = نصّ السّوالف يمّكم والطّيبه حنّا لها !!
ابو لمار
ياصاحبي ماجيت ادوّر عندكم تمر وحليب = حجتك هذي بلّها ماعاد يمشي حالها
مشاري الكرشمي
عبر عن اللي في ضميرك بعد راحت يالحبيب=خل البعيده ماتعرف جنيها وريالها
مرزوق حمدان العتيبي
هذا التهامي ياغشم قلبه وانا حسبه لبيب=افهمه ويقول جب لي عمها مع خالها
فواز السعيدي
انتم مروّعكم زمانٍ فات ياصيد الحريب = عدّ السّنين اللي على ربعك يهلّ هلالها !!
ابو لمار
انته تراوغ في السوالف لاجل مايلحقك عيب = بكره تشب النار والطبخه تفوح ادلالها
« آخـــر الـــمـــشـــاركــــات »
18-May-2009, 10:09 PM
العرض العادي
