.gif)
ناصر المرشدي
سلام تسليمةٍ معها يقوم 4=على جميع الحضور تعم وموزعه
ياعلها ليلةٍ بما حوت ممتعه=الحي يحييك والميت يزيدك غبن
قال المثل مال الحديد الا الحديد=الليل ياشعار والساري سرى
طلال الثعلي
ياناصر المرشدي سلطان كتف يداه=والحربي الله مع العتبان يسعد مساه
لكن انا ابنشده وآخذ علومه ...عساه= والحي يحييك والميت يزيدك غبن
الحربي اللي لاقريب ولابعيد=لكن اله مقدار والساري سرى
سلطان الجذع
يامرحبا ياهلا.... حيا الله اللي حضر =مع قومة ..الاربعه يبا .يطيب السهر
يابحر تدريٍ ان ماقدامك الا بحر =والحي يحييك والميت يزيدك غبـن
لاوالله الا جابك الحظ السعيد =والزند يقدح نار ..والساري سرى
عبدالله الحربي
الله يسعد مساكم يا جميع الحضور =هذا محلي ولا جاء من جهتكم قصور
وانا معك يابن ثعلي في جميع الأمور = الحي يحييك والميت يزيدك غبن
الطيب يفيد الرجال ويستفيد=وللطيبه يختار والساري سرا
ناصر المرشدي
دام البقاء يالمرحب عن جميع الحضور=يالصاحب اللي حضوره زود النور نور
تراك قبل الكلام اللي تقول مخبور=الحي يحييك والميت يزيدك غبن
الحظ جاك بقوم اولو باسٍ شديد=منها الكبار صغار والساري سرى
طلال الثعلي
انته شبابي وحنا في شبابه سوى=سالم ومسروح والروقه وبرقا..دوى
ونجما تعلا ونجماً من مكانه هوى=الحي يحييك والميت يزيد غبن
اعلومكم ماجات مع ساع البريد=في نشرة الاخبار والساري سرى
سلطان الجذع
فالشعر نوع يتوفى في سموع الغواه =ونوعٍ حسب معدنه يكتب له الله حياه
جاء في كلامك كلام بخانه الاشتباه =الحي يحييك والميـت يزيـد غبـن
احيان باس الرجل ينقص مايزيد =لاطول المشوار ..والساري سرى
عبدالله الحربي
حنا ترانا سوى من ماضيات الليال = انساب واصحاب ما فيها شكوك وجدال
يشهد عليك المزاين يا كريم السبال= الحي يحييك والميت يزيدك غبن
با البنك يا بن الناس انا عندي رصيد = ثابت ولا ينهار والساري سرا
ناصر المرشدي
ماقلت غير الكلام اللي عليه الكلام=ياعل من سمع قولي قال لي ياسلام
حرام ياصاحبي سلطان والله حرام=الحي يحييك والميت يزيدك غبن
ماجاب ابو زيد الهلالي غير زيد=ياطيب الاذكار والساري سرى
طلال الثعلي
صحيح حنا سوى من حكم عبد العزيز=والا منول مع المطران والانقليز
لكن تبقى عزيز وفي مكانا عزيز=والحي يحييك والميت يزيدك غبن
ان كان ماتدري عن العلم الجديد=رح وانشد الشعارر والساري سرى
سلطان الجذع
شاعر وماهر وتهرج باللسان الفصيح =وانا مااذمك ولا كثر عليك المديح
ماتحذفه في سماك بداخل ارضك يطيح =والحي يحييك والميت يزيـدك غبـن
لو تنشد اللي للحساء راحوا مديد =قالوا ياكثر الخار ..والساري سرى
عبدالله الحربي
يا صاحبي يا العتيبي لا تزل الحدود = مالي مع مطير صحبه من قديم الجدود
حنا حربنا الدول من سابقات العهود= الحي يحييك والميت يزيدك غبن
اللي موصلك الخبر رجل بليد=غافل عن اللي صار والساري سرا
ناصر المرشدي
ياسطورة المنتدى يكفيك هذا الاسم=وان جاء مجال المعاني والقصيد ونعم
تاخذ وتعطي يابن عساف بس المهم=الحي يحييك والميت يزيدك غبن
ماغنت الورقى على خضر الجريد=مع عازف الاوتار والساري سرى
طلال الثعلي
هذي حقيقه وانا عندي عليها دليل=يوم المطاري تركم فالمكان المهيل
انتم تشوفون ناره..والمطيري ذليل=الحي يحييك والميت يزيدك غبن
الله يعوًض حرب في هاك الفقيد=من يكمل المشوار والساري سرى
سلطان الجذع
ياصاحبي مايكبرني بوقتي لقب =ياللعجب من كلامٍ قلت ياللعجب
تراك علقت روحك فوق غصن النشب=الحي يحييك والميت يزيدك غبـن
بكره يبي يبدي لكم يومٍ جديد =ياللي حديت يسار ..والساري سرى
عبدالله الحربي
حنا ترا ماحصل منا ردا لا ولا =يا راعي البيت بعده جالس بالخلا
وشلون تنسى العصيمي يوم شال البلا = الحي يحييك والميت يزيدك غبن
والله ما تنسون بيت ابن حميد =ياباحث الاسرار والساري سرا
ناصر المرشدي
ماقول ياصاحبي سلطان روح وتعال=اقول ياصاحبي سلطان طول الليال
وراك شكيت في صاحبك يابن الحلال=الحي يحييك والميـت يزيـد غبـن
والنعم ياسلطان والعلم الاكيد=للمفرده بيطار والساري سرى
حقوق التنسيق محفوظة لــ معجب العتيبي
الله يمسيكم بالخير
نزولاً عند رغبة عدد من أعضاء منتدانا الكرام سوف تقام هذه الليلة
محاورة مباشرة رباعية بين كلا من:
ناصر المرشدي
طلال الثعلي
يقابلـــــــهـــــــم
سلطان الجذع
عبدالله الحربي
وستكون البداية مع ناصر المرشدي
تمنياتنا ان تقضوا معنا امتع الاوقات واسعدها
« آخـــر الـــمـــشـــاركــــات »
24-Mar-2008, 08:39 PM
محاورة رباعية مباشرة مع أربعة من نجوم المنتدى
العرض الشجري