الراي السديد
سلام تسليم العقل لهل العقول الفاهمين=اهل العقول اللي تميّز دقها من جلها
حنّا نعرف الباب يا معجب يجي له درفتين=امّا تفتّح كلها و لّا تسكّر كلها
معجب العتيبي
يامرحبا ترحيب وافي للرجال الطيبين=في حلةٍ تكرم رجال المعرفه وتجلها
باب الكرم والجود مايغلق على مر السنين=والشر بيبانه كريهه يقلع الله دلها
الراي السديد
دام البقا و العلم ما يبغاله الّا كلمتين=لعل بيضان الوجيه اتشاهده لعلها
الصاد روّح و البلا فالواو وانتم خابرين=بالمشكله و المشكله نبغا يعجّل حلها
معجب العتيبي
اللي على بيض الورق بيّن تشوفه كل عين=وعينٍ عن الحق انعمت جنّب وروح وخلها
في دفتر الابداع مابه فرق بين الكاتبين=الواو مثل الصاد ماعنده سيوف يسلها
الراي السديد
صحيح مالي مصلحه لكن ظلم الناس شين=والنفس ما يكشف خفاها لين يبدي غلها
الفرق واضح و الخطا مدموح و الخافي يبين=و اهل العقول الصاحيه ما همها مختلها
معجب العتيبي
وشلون مالك مصلحه وارض الوطن بالساكنين=الارض عذرا ياسديد الراي وانته خلها
قضية الجاني مع المجني ومعها شاهدين=قدمتها للمحكمه وانت اجتهد وارسلّها
الراي السديد
المصلحه فالحق يثبت لا يسار و لا يمين=و الارض مره كان تقدر يا صحيبي حلها
المسلمين احيان ما تسمع كلام المسلمين=و اللي شكا ضيم الزمن عينه على من فلها
معجب العتيبي
امشي على وضح النقا وادحم ولي جنبٍ متين=ياللي تصلي لاتلفّت والنوافل صلها
المسلم اليا زل عن دربه يجيله ناصحين=وانته وانا ننصح بعضنا والدروب ندلها
الراي السديد
ما دام وصلت للقضا فالله على الدنيا يعين=نصبر عسى القاضي ليا منّه حكم يعْدَلّها
يا معجب الطرقي على ممشاه و القاسي يلين=علّم بني عمك على طول الليال و قلها
معجب العتيبي
بالجهد تاخذ حقك الوافي وبالصبر استعين=واللي يدور حاجته لابد ماياصل لها
الطرقي ليا مر يالطيب يبا حظه يزين=ان كان يبغا الطيب والا الثانيه يفطن لها
« آخـــر الـــمـــشـــاركــــات »
04-Feb-2010, 01:27 PM
العرض العادي
