سعود البرقاوي
يا اصحابنا الشعار لامني بديت = اللي يبا يلعب معي يلعب معي
شاعر على مبدى ولي سمعه وصيت = ماكني الا البحتري والاصمعي
الدجيماء
انا الدجيماء لاحضرت ولاغزيت = نهاية الشعار غاية مطمعي
اصمل ولاتنحاش وان كانك سريت = يابنت الاجواد اشهدي لي وأًسمعي
سعود البرقاوي
انت الدجيما مرحبابك يوم جيت = اقولها واطق لك راس اصبعي
توك على الزحمه ولا ادري وش بغيت = شكلك تبا الدعوى تعود قزوعي
الدجيماء
الك البقاء وان كان باقي مادريت = بدري تمشيها على المتلكعي
ان رحت يم الشام وان رحت الكويت = كل الديار مسجلة فالمرجعي
سعود البرقاوي
الك ثلاث ايام تدخل كل بيت = تسعي ولالك غير حقك فالسعي
حنا نشوفك من مراه اليا كميت = يامدعّي وش عاد عندك تدعي
الدجيماء
ولك ثلاث ايام خايف ماتبيت = مابين خوف وبين فقدان الوعي
لكن جا ياللي تمنى واحتريت = وقت اللقى مافاد كثر المدمعي
سعود البرقاوي
اهب ياهذا الغليم ما استحيت = خالفت دين الحنبلي والشافعي
الحملة اللي جات في ظهر الونيت = جلاّبها الجندي سعيد الالمعي
الدجيماء
الواسطة تعطي ترا سمعة وصيت = وتنزّل الفاهم لو إنه جامعي
غيرك قرا وانته بعد معهم قريت = حكم ضميرك كان تفهم او تعي
« آخـــر الـــمـــشـــاركــــات »
27-Jan-2010, 02:48 PM
العرض المتطور
